Jamiyat

Bugun abituriyentlarni onlayn roʻyxatga olish yakunlanadi

© Sputnik / Vladimir Pesnya / Fotobankka oʻtishPriyemnaya kampaniya
Priyemnaya kampaniya  - Sputnik Oʻzbekiston, 1920, 27.07.2022
Obuna boʻlish
Yandex newsTelegram
DTM barcha abituriyentlarga qabulning soʻnggi soatlarini kutmasdan ertaroq roʻyxatdan oʻtishni tavsiya qilmoqda.
TOSHKENT, 27 iyul — Sputnik. Bugun oliy taʼlim muassasalarining bakalavriat taʼlim yoʻnalishlariga oʻqishga kirish uchun abituriyentlarni onlayn roʻyxatga olish yakunlanadi.
Abituriyentlar bugun 23:59 ga qadar my.dtm.uz va my.gov.uz saytlari orqali onlayn roʻyxatdan oʻtishlari va test sinovi uchun toʻlovni amalga oshirishlari (oldingi yillar bitiruvchilari) mumkin.
Fuqaroligi boʻlmagan shaxslar esa oliy taʼlim muassasalarida tashkil etilgan qabul komissiyalarida roʻyxatga olinadi.
“Abituriyentlar kun yakuniga qadar roʻyxatdan oʻtish bilan birga oʻz maʼlumotlari va tanlagan taʼlim yoʻnalishlarini oʻzgartirishlari mumkin”, deyiladi xabarda.
Davlat test markazi barcha abituriyentlarga muvaffaqiyat tilagan holda qabulning soʻnggi soatlarini kutmasdan ertaroq roʻyxatdan oʻtishni hamda taʼlim yoʻnalishlari va tanlov ustuvorligini belgilashda eʼtiborli boʻlishni tavsiya qilmoqda.
Maʼlumot uchun, oʻqishga kirish uchun my.dtm.uz va my.gov.uz saytlari orqali onlayn roʻyxatdan oʻtgan abituriyentlar soni 26 iyul holatiga 1 118 422 nafarni tashkil etmoqda.
DTM roʻyxatdan oʻtgan, lekin taʼlim yoʻnalishini tanlamagan abituriyentlarning mobil telefonlariga sms orqali xabar yubormoqda. Qolaversa, abituriyentlarga 27 iyul taʼlim yoʻnalishlarini tanlash va toʻlovni amalga oshirishning oxirgi kuni ekanligi haqida ham maʼlum qilingan.
Eslatib oʻtamiz, abituriyentlarni roʻyxatga olish 20 iyunda boshlangandi.
Yangiliklar lentasi
0