Siyosat

Komil Allamjonov Prezident administratsiyasi rahbari oʻrinbosari etib tayinlandi

© Foto: t.me/allamjonov_kiKomil Allamjonov
Komil Allamjonov - Sputnik Oʻzbekiston, 1920, 27.07.2022
Obuna boʻlish
Yandex newsTelegram
Allamjonov 2020 yil yanvar oyidan buyon Mass-mediani qoʻllab-quvvatlash fondi vasiylik kengashi raisi lavozimida ishlab kelayotgan edi.
TOSHKENT, 27 iyul — Sputnik. Komil Ismoilovich Allamjonov Oʻzbekiston prezidenti Administratsiyasi rahbarining oʻrinbosari lavozimiga tayinlandi. Bu haqda davlat rahbari matbuot kotibi Sherzod Asadov maʼlum qildi.
Allamjonov yangi tashkil etilgan ushbu lavozimda jamoatchilik fikrini oʻrganish va axborot siyosatiga masʼul boʻladi. Oʻz navbatida, Prezident administratsiyasi rahbarining oʻrinbosari — prezident matbuot kotibi lavozimi ham saqlab qolinadi.
Komil Allamjonov (1984 y. t.) Oʻzbekiston davlat sanʼat va madaniyat instituti (2006) va Toshkent davlat iqtisodiyot universiteti (2010) bitiruvchisi. U 2017 yil dekabrida Oʻzbekiston prezidenti matbuot xizmati rahbari boʻlgan, 2018 yil noyabrida Oʻzbekiston matbuot va axborot agentligiga rahbar boʻlgan. 2019 yil fevralidan bu tashkilot Prezident administratsiyasi huzuridagi Axborot va ommaviy kommunikatsiyalar agentligi sifatida qayta tashkil etilgan.
Allamjonov 2020 yil yanvar oyidan buyon Mass-mediani qoʻllab-quvvatlash fondi vasiylik kengashi raisi lavozimida ishlab kelayotgan edi.
Yangi lavozimga tayinlangan Komil Allamjonov Mass-mediani qoʻllab-quvvatlash fondi vasiylik kengashi raisi lavozimini tark etishi va barcha bizneslarini boshqa egalariga topshirishini maʼlum qildi.

“Bugundan boshlab men barcha biznes loyihalarimni, kompaniyalarimni ham boshqa egalariga topshiraman. Bugundan boshlab men biznesmen emasman. Chunki men manfaatlar toʻqnashuviga mutlaqo qarshiman va qolganlarga ham shuni maslahat beraman”, – dedi u oʻzining videomurojaatida.

U mamlakatda soʻz erkinligi va ochiqlik siyosati yanada yuqori darajaga koʻtarilishiga ishonch bildirgan va barcha bloger va jurnalistlarni yanada faollikka, oʻz ustilarida ishlab xolis axborot tarqatishda davom etishga chaqirib qolgan.
Yangiliklar lentasi
0