Siyosat

Mirziyoyev: xalqni rozi qilish – barcha rahbarlarning eng ustuvor vazifasi

© Press-slujba prezidenta UzbekistanaShavkat Mirziyoyev
Shavkat Mirziyoyev - Sputnik Oʻzbekiston, 1920, 27.07.2022
Obuna boʻlish
Yandex newsTelegram
Prezident xalqni rozi qilish, tadbirkorlikni rivojlantirish uchun barcha sharoitlarni yaratish kerakligini taʼkidladi.
TOSHKENT, 27 iyul — Sputnik. Prezident Shavkat Mirziyoyev 26 iyul kuni aholi turmushini yaxshilash va tadbirkorlar faolligini oshirishga qaratilgan takliflar muhokamasi yuzasidan yigʻilish oʻtkazdi.
Davlat rahbari matbuot xizmati xabariga koʻra, joriy yilning birinchi yarmida yalpi ichki mahsulot 5,4 foiz oʻsgan. Sanoat, qurilish, savdo va xizmatlar sohalaridagi rivojlanish surʼatlari aholi turmushida namoyon boʻlmoqda.
Shu bilan birga, Xalq qabulxonalari, ijtimoiy tarmoqlar va soʻrovlar orqali soha va hududlardagi muammolar, odamlarning adolatli takliflari oʻrganib borilmoqda. Xalqni rozi qiladigan qarorlar qabul qilinmoqda.
Jumladan, tadbirkorlik boʻyicha litsenziya va ruxsatnomalarni rasmiylashtirish tartibi soddalashtirildi, muddatlari qisqartirildi. Yil boshidan buyon 50 mingdan ortiq yangi tadbirkorlik subʼyektlari tashkil etildi. Aholi sotib olgan uylarning 28 foizi ipoteka kreditlari hisobiga moliyalashtirildi. 1 sentyabrdan boshlab xususiy sektorda ishlayotgan ayollarga ham davlat byudjetidan 2 million soʻmlik homiladorlik va tugʻish nafaqasi toʻlab berish toʻgʻrisida qaror qabul qilindi.
Yigʻilishda aholi va biznesni qiynab kelayotgan muammolar, ular boʻyicha ilgari surilayotgan taklif va tashabbuslar muhokama qilindi. Asosli takliflarni qanoatlantirish, odamlar uchun qulayliklarni oshirish boʻyicha mutasaddilarga koʻrsatmalar berildi.
Prezident xalqni rozi qilish, tadbirkorlikni rivojlantirish uchun barcha sharoitlarni yaratish barcha rahbarlarning eng ustuvor vazifasi boʻlishi kerakligini taʼkidladi.
Yangiliklar lentasi
0