Jamiyat

Rossiyadan ota-onasiz qolgan 19 nafar bola Oʻzbekistonga qaytarildi

Deti na progulke - Sputnik Oʻzbekiston, 1920, 27.07.2022
Obuna boʻlish
Yandex newsTelegram
Oʻzbekiston Bolalar ombudsmani Rossiya Federatsiyasi prezidenti huzuridagi Bolalar huquqlari boʻyicha vakil bilan bogʻlanib, bolalarni oʻz vataniga qaytarishni tashkil etishda yordam soʻrab murojaat qilgan.
TOSHKENT, 27 iyul — Sputnik. Oʻzbekiston va Rossiya bolalar ombudsmanlarining birgalikdagi faoliyati Rossiya Federatsiyasida boʻlgan va ota-onasiz qolgan 19 nafar oʻzbekistonlik bolani oʻz vataniga qaytarishga yordam berdi.
Bu haqda RIA Novosti Oliy Majlisning Inson huquqlari boʻyicha vakiliga tayanib xabar berdi.

“25 iyul kuni ota-ona qaramogʻisiz qolgan va yordamga muhtoj Oʻzbekiston fuqarolari boʻlgan 19 nafar bola Oʻzbekistonga yetkazildi”, deyiladi xabarda.

Qayd etilishicha, Oʻzbekiston Bolalar ombudsmani Aliya Yunusova Rossiya Federatsiyasi prezidenti huzuridagi Bolalar huquqlari boʻyicha vakil Mariya Lvova-Belova bilan bogʻlanib, bolalarni oʻz vataniga qaytarishni tashkil etishda yordam soʻrab murojaat qilgan.
Oʻzbekistonda maxsus idoralararo guruh tuzilgan va ular Rossiyaning turli shaharlarida bolalarning yashash joylarini aniqlab, qaytarish jarayoni uchun zarur hujjatlarni tayyorlagan. Bolalar dastlab Moskvadagi voyaga yetmaganlar uchun “Altufyevo” ijtimoiy reabilitatsiya markaziga, keyin esa Oʻzbekistonga olib ketilgan.
Yangiliklar lentasi
0