Jamiyat

Toshkentdagi konditsionersiz avtobuslarda yoʻlovchilarga suv tarqatilmoqda

© Press-slujba AO "Toshshaxartransxizmat".Avtobus AO "Toshshaxartransxizmat"
Avtobus AO Toshshaxartransxizmat  - Sputnik Oʻzbekiston, 1920, 27.07.2022
Obuna boʻlish
Yandex newsTelegram
Bunday ishlar suvsizlanish va xushdan ketish kabi koʻngilsiz holatlarni oldini olish maqsadida amalga oshirilmoqda.
TOSHKENT, 27 iyul — Sputnik. Toshkentdagi konditsionersiz avtobuslarda yoʻlovchilarga suv tarqatilmoqda. Bu haqida “Toshshahartransxizmat” xabar berdi.
Aytilishicha, shu kunlarda kuzatilayotgan anomal issiq ob-havoda sovutish tizimi bilan jihozlanmagan avtobuslarda harakatlanayotgan yoʻlovchilarga bepul mineral suvlar tarqatilmoqda.
Bunday ishlar suvsizlanish va xushdan ketish kabi koʻngilsiz holatlarni oldini olish maqsadida amalga oshirilmoqda.
“Barcha avtobus saroylari rahbarlariga yoʻnalish vaqtida haydovchilar avtobus va elektrobuslarda mavjud salonni sovutish tizimini yoqgan holda harakatlanishlari yuzasidan maxsus koʻrsatmalar berildi”, deyiladi xabarda.
Shuningdek, haydovchilar tomonidan salonni sovutish tizimida texnik nosozliklar uchragan vaqtda darhol uni bartaraf etish choralari koʻriladi.
Maʼlumot uchun, hozirda avtobus va elektrobuslarning 271 tasi salonni sovutish tizimi bilan jihozlangan. Ularning iqlim nazorati tizimlari va havoni tozalab beruvchi filtrlari talab darajasida ishlashi doimiy nazoratdan oʻtkazilmoqda.
Yangiliklar lentasi
0