Dunyoda

Tramp Amerika uchun asosiy tahdid qayerdan kelayotganini aytdi

© AFP 2022 / Saul LoebDonald Tramp vo vremya vыstupleniya v Xantingtone, SSHA
Donald Tramp vo vremya vыstupleniya v Xantingtone, SSHA - Sputnik Oʻzbekiston, 1920, 27.07.2022
Obuna boʻlish
Yandex newsTelegram
Trampning soʻzlariga qoʻra, AQSH Sovet Ittifoqi taqdirini takrorlashi xavfi bor.
TOSHKENT, 27 iyul — Sputnik. Amerika Qoʻshma Shtatlari Sovet Ittifoqi taqdirini takrorlashi xavfi bor, hozir Amerika uchun asosiy tahdid — ichkaridan, dedi mamlakatning sobiq prezidenti Donald Tramp.
AQShning sobiq prezidenti Vashingtondagi nutqi davomida siyosiy faoliyat bilan shugʻullanishda davom etishga vaʼda berdi.
"Men buni Amerika uchun qilyapman. Chunki men buni qilmasam, xalqimiz Venesuela yoki yana bir Sovet Ittifoqiga aylanishi mumkin. Yoki juda katta miqyosda hamma narsa yoʻqolgan va umid yoʻq boʻlgan Kubaga aylanib qolamiz”, - dedi Tramp.
Uning soʻzlariga koʻra, amaldagi demokrat prezident Jo Bayden davrida Qoʻshma Shtatlar eski Vashington maʼmuriyati taqdim etgan barcha tashqi hamda ichki siyosiy yutuqlarni yoʻqotgan.
"Biz endi ikki yil oldin boʻlgani kabi energetika masalasida mustaqil yoki hukmron emasmiz. Biz Jo Bayden: "Iltimos, iltimos, bizga yordam bering", deya Venesuela, Saudiya Arabistoni va boshqa koʻplab mamlakatlardan neft soʻrayotgan davlatmiz. Oyogʻimiz ostida dunyodagi boshqa xalqlardan koʻra koʻproq suyuq oltin bor”, - deya taʼkidladi Tramp.
Avvalroq, Donald Tramp Amerika maʼmuriyatining amaldagi rahbari demokrat Jo Baydenni Qoʻshma Shtatlarni boshqalardan yordam soʻrashga majbur boʻlgan “kambagʻal mamlakat”ga aylantirganlikda ayblagan edi.
“Endi biz kambagʻal davlatmiz. Bayden tiz choʻkib, dunyodan energiya manbalarini soʻrab, yordam soʻrab yurgan kambagʻal mamlakat”, - degan edi AQSH sobiq prezidenti.
Yangiliklar lentasi
0