Jamiyat

DTM abituriyentlarga qoʻshimcha imkoniyat berdi - tafsilotlar

© SputnikSdacha vstupitelnыx ekzamenov na stadione "Bunyodkor"
Sdacha vstupitelnыx ekzamenov na stadione Bunyodkor - Sputnik Oʻzbekiston, 1920, 28.07.2022
Obuna boʻlish
Yandex newsTelegram
27 iyul holatiga koʻra, onlayn roʻyxatdan oʻtgan va taʼlim yoʻnalishlarini tanlagan abituriyentlar soni 1 214 232 nafarni tashkil etdi.
TOSHKENT, 28 iyul — Sputnik. Test sinovi uchun toʻlovni amalga oshirishga ulgurmagan abituriyentlarga qoʻshimcha imkoniyat berildi.
Qayd etilishicha, 27 iyul kuni my.dtm.uz va my.gov.uz saytlari orqali onlayn roʻyxatdan oʻtgan, lekin toʻlovni amalga oshirishga ulgurmagan abituriyentlar bor.
Test sinovlari uchun toʻlovni amalga oshirmagan abituriyentlar roʻyxatdan oʻtmagan hisoblanadi va test sinovlarida ishtirok eta olmaydi.
Shuni inobatga olgan holda, abituriyentlar 28 iyul kuni soat 18:00 qadar toʻlovni amalga oshirishlari mumkin.
“Test sinovlari tashkil etilayotgan oʻquv yilidan avvalgi yillarda taʼlim muassasalarini tugatgan abituriyentlar test sinovlarida ishtirok etish uchun bazaviy hisoblash miqdorining yarim baravari miqdorida toʻlovni amalga oshiradilar”, deyiladi xabarda.
Maʼlumot uchun, 27 iyul holatiga koʻra, onlayn roʻyxatdan oʻtgan va taʼlim yoʻnalishlarini tanlagan abituriyent soni 1 214 232 nafarni tashkil etdi.
Shundan:
395 023 nafari — joriy yil bitiruvchilari;
819 209 nafari — avvalgi yillar bitiruvchilari.
Taʼlim shakllari boʻyicha:
Kunduzgi taʼlim shakli — 612 530 nafar;
Sirtqi taʼlim shakli — 565 902 nafar;
Kechki taʼlim shakli — 27 417 nafar;
Masofaviy taʼlim shakli — 8 383 nafar.
Abituriyentlarning doimiy yashash hududi boʻyicha taqsimoti:
Qashqadaryo viloyati — 140 797 nafar;
Samarqand viloyati — 133 610 nafar;
Toshkent viloyati — 116 251 nafar;
Fargʻona viloyati — 109 938 nafar;
Surxondaryo viloyati — 106 145 nafar;
Andijon viloyati — 79 235 nafar;
Namangan viloyati — 77 607 nafar;
Qoraqalpogʻiston Respublikasi — 75 819 nafar;
Jizzax viloyati — 74 346 nafar;
Toshkent shahri — 68 545 nafar;
Buxoro viloyati — 67 663 nafar;
Xorazm viloyati — 64 351 nafar;
Navoiy viloyati — 54 512 nafar;
Sirdaryo viloyati — 45 413 nafar.
Eslatib oʻtamiz, 27 iyul kuni oliy taʼlim muassasalarining bakalavriat taʼlim yoʻnalishlariga oʻqishga kirish uchun abituriyentlarni onlayn roʻyxatga olish yakunlangandi.
Yangiliklar lentasi
0