Sport

“Osiyo bolalari-2022”: sportchilar qanday kutib olindi - foto

Obuna boʻlish
Yandex newsTelegram
Musobaqada 174 nafar oʻzbekistonlik vakil sportning 17 ta turida oʻz omadlarini sinab koʻradi.
TOSHKENT, 28 iyul — Sputnik. “Osiyo bolalari” xalqaro oʻyinlarida ishtirok etish uchun 13ta davlat vakillari Vladivostokga yetib keldi.
Musobaqaning mashʼala estafetasi va tantanali ochilish marosimida Oʻzbekiston, Armaniston, Afgʻoniston, Hindiston, Eron, Qozogʻiston, Qirgʻiziston, Livan, Moʻgʻuliston, Rossiya, Pokiston, Tailand, Turkmaniston kabi davlatlardan kelgan ikki mingdan ortiq sportchilar ishtirok etishdi.
1/7
2/7
3/7
4/7
5/7
6/7
7/7
Yosh sportchilarni tabriklash uchun tadbirga Rossiya Olimpiya qoʻmitasi prezidenti Stanislav Pozdnyakov, “Osiyo bolalari” xalqaro oʻyinlari qoʻmitasi prezidenti Vladimir Maksimov kabi faxriy mehmonlar tashrif buyudi.
“Vakillarimiz murosasiz bahslarga kirishadilar. Oʻyinlar davomida ishtirokchilarni shiddatli raqobat kutmoqda. Tantanali yopilish marosimi esa 7-avgustga belgilangan”, deyiladi xabarda.
Shuningdek, sportchilar “Osiyo bolalari” VII Xalqaro sport oʻyinlari medallarining taqdimotida ham ishtirok etishdi.
Tashkilotchilar 6 oydan ortiq vaqt davomida uning dizayni loyihasi ustida ishlashdi.
"Mini-Olimpiada"ning barcha sovrindorlari Primorye ramzlaridan biri - lotus belgisi tushirilgan mukofotga ega boʻladilar. Vladivostok-2022 davomida jami 273 ta medal toʻplami oʻynaladi.
Hozirda turli mamlakat terma jamoalari suv havzasi yoʻlaklarida dastlabki rasmiy mashgʻulotlarini boshlashdi. Suzish musobaqalari 29, 30, 31-iyul kunlari boʻlib oʻtadi.
Maʼlumot uchun, mazkur musobaqada 174 nafar (101 nafar oʻgʻil bola, 73 nafar qiz) oʻzbekistonlik vakil sportning 17 ta turida oʻz omadlarini sinab koʻradi.
Yangiliklar lentasi
0