Migratsiya

Rossiyaga tashkillashtirilgan holda ishga joʻnatilayotgan oʻzbekistonliklar soni nega kamaydi

© Sputnik / Dilshoda RaxmatovaKrupnыe rossiyskiye kompanii provodyat orgnabor rabotnikov v Uzbekistane
Krupnыe rossiyskiye kompanii provodyat orgnabor rabotnikov v Uzbekistane - Sputnik Oʻzbekiston, 1920, 28.07.2022
Obuna boʻlish
Yandex newsTelegram
Tashqi mehnat migratsiyasi agentligi “orgnabor” doirasida joʻnatilayotgan fuqarolar kamayishiga sabab boʻlgan omillarni sanab oʻtdi.
TOSHKENT, 28 iyul — Sputnik. Oʻzbekiston Tashqi mehnat migratsiyasi agentligi Rossiyaga tashkillashtirilgan holda ishga joʻnatilayotgan fuqarolar soni nega kamaygani yuzasidan bayonot berdi.
Qayd etilishicha, 2022 yilda yuzaga kelgan iqtisodiy vaziyat sababli Rossiyadagi yirik qurilish obʼyektlariga fuqarolarni vaqtincha mehnat faoliyatini amalga oshirish boʻyicha ishchi talabnomalari kamaygan.
Pandemiya cheklovlarining bekor qilinishi natijasida vaqtincha mehnat faoliyatini amalga oshirish uchun fuqarolarning Rossiyaga mustaqil ravishda kirib borish koʻlami oshgan.
Agentlik xabariga koʻra, mehnat migratsiyasi georgafiyasi kengaytirilmoqda. Fuqarolar boshqa xorijiy davlatlarga ham tashkillashtirilgan holda yuborilmoqda.
Dastlabki maʼlumotlarga koʻra, joriy yil oʻtgan 7 oyi yakunlari boʻyicha tashkilllashtirilgan holda ishga joʻnatilgan fuqarolar soni 8 mingdan oshgan.
Murojaatlar tahlili shuni koʻrsatadiki, mustaqil ishga borgan fuqarolar tashkillashtirilgan holda ishga joʻnatilganlarga nisbatan koʻproq muammolarga duch keladi.
“Qayd etish kerakki, xorijda ishlash uchun ushbu davlatga fuqaro qaysi yoʻl orqali borishidan qatʼi nazar, uning huquqlarini taʼminlash va har tomonlama qoʻllab-quvvatlash uchun barcha choralar koʻriladi”, - deyiladi xabarda.
Eslatib oʻtamiz, 23 iyundan Rossiya va Oʻzbekiston oʻrtasidagi xalqaro yoʻlovchi poyezd, 18 iyuldan esa avtobus qatnovi qayta tiklandi. Ular qatnovi koronavirus pandemiyasi sabab 2020 yil martida vaqtincha toʻxtatib qoʻyilgan edi.
Potok migrantov v Rossiyu ne ostanavlivayetsya — spetsialist - Sputnik Oʻzbekiston, 1920, 06.05.2022
Video
Rossiyaga kelayotgan migrantlar oqimi toʻxtamaydi – mutaxassis bilan intervyu
Yangiliklar lentasi
0