Onkologiya - Sputnik Oʻzbekiston, 1920, 21.01.2022
Bu qiziq
Ushbu ruknimizda ilm-fan, inson sogʻligi, foydali va zararli oziq-ovqatlar, parhez taomlar, shifokorlar maslahati va boshqa barcha uchun qiziqarli maʼlumotlar bor.

Nega bolalar uxlayotganda tishlarini gʻichirlatishadi?

© Sputnik / Ilya Pitalev / Fotobankka oʻtishRodilnыy dom pri infektsionnoy bolnitse № 2 v Moskve
Rodilnыy dom pri infektsionnoy bolnitse № 2 v Moskve - Sputnik Oʻzbekiston, 1920, 29.07.2022
Obuna boʻlish
Yandex newsTelegram
Bruksizm - yaʼni tishlarni gʻichirlatish bolalarda barcha yoshda paydo boʻlishi mumkin. Asosan tunda sodir boʻladi.
Bolalar uxlayotganda tishlarini gʻichirlatishadi. Bu qanchalar xavfli boʻlishi mumkin?
Bruksizm- yaʼni tishlarni gʻichirlatish bolalarda barcha yoshda paydo boʻlishi mumkin. Asosan tunda sodir boʻladi. u qanday paydo boʻladi va qanday chora koʻrish kerak - batafsil materialimizda

Bruksizm nima?

Tishlarni gʻichirlatish tibbiyotda “bruksizm” deb ataladi. Bu jagʻlarning haddan tashqari siqilishi bilan yuzaga keladigan patologik holat. U beixtiyor paydo boʻladi va chaynash mushaklarining spazmi bilan bogʻliq. Odatda bruksizm tunda 10-15 soniya - qisqa davom etadi va kunduzi ham sodir boʻlishi mumkin. Bola balogʻatga yetgandan keyin oʻz-oʻzidan yoʻqoladi. Oʻsmirlar va kattalarda bruksizm deyarli uchramaydi.

Sabablari

Bruksizm bola organizmida sodir boʻlayotgan turli jarayonlar sabab paydo boʻlishi mumkin. Xususan:
· Tish chiqishi - Bu holatda bruksizm kunduzi paydo boʻladi va odatiy hol hisoblanadi. Bu bilan mushaklar tishlar chiqishi va tishlash funktsiyasi shakllanishiga tayyorlanadi.
· Kuchli asabiylik (stress) va hissiy zoʻriqish – bu bolalarda bruksizm paydo boʻlishining eng keng tarqalgan sababi. Bola har doim hissiyotlarini koʻrsatmasligi mumkin, bu esa yigʻilib qoladi. Tunda esa bu jagʻlarga bosim beradi. Bunda emotsional holatiga ham salbiy (aytaylik, maktabni almashtirish, bolalar bogʻchasida birinchi kun, ota-onalarning ajralib ketishi), ham ijobiy holatlar (sovgʻa olishi, doʻstlar bilan uchrashishi, tugʻilgan kunini nishonlash) ham birdek taʼsir qiladi.
· Tishlash muammolari - bola jagʻ- yuzasi apparatlari tuzilishidagi buzilishlar tufayli tishlarini gʻichirlatadi
· Vitamin va minerallar yetishmasligi - asosan V guruhi vitaminlari, kaltsiy va magniy tanqisligi sabab;
· Burun bitishi – shamollash yoki adenoidlar bilan muammolarda bolaga nafas olish qiyinlashadi, shunda u jagʻlarini qattiq bosimda ushlaydi.
Bruksizm organizmda parazitlar borligining belgisi boʻlishi mumkinmi?
Ancha paytgacha bruksizm- parazitar kasalliklarning belgisi sifatida qaralgan. Bunga sabab bolalarda gelmintlar va bruksizmning bir xil yoshda (asosan bogʻchaga boradigan yoshlarda) paydo boʻlganda. Biroq, koʻplab tadqiqotlarga koʻra, parazitlar va tishlarning gʻichirlatishda hech qanday bogʻliqliq aniqlanmagan.
Belgilari va alomatlari
Bruksizmning alohida alomatlari yoʻq, ammo bunga yondosh belgilar ham boʻlishi mumkin
- Lohaslik va uyquchanlik
- Bosh ogʻrigʻi
- Boʻyin sohasida ogʻriqlar
- Injiqlik va yigʻloqiliq
- Xotirjam boʻlmagan uyqu
- Quloqlar bitishi

Oqibatlari

Tishlarning yemirilishi: jagʻlarga bosim tufayli tishlar asta-sekin yemirila boshlaydi. Bu ogʻiz boʻshligʻidagi deyarli barcha tishlarga taʼsir qiladi.
Talaffuz qilish buzilishi: bunda bolalar turli tovushlarni talavvuz qilishda qiynalishlari mumkin. Bu esa bolalarning oʻzlariga nisbatan ishonchsizlikka saba boʻladi. Oʻz navbatida bu bolaga yana hissiy zoʻriqish- bruksizmning sababi boʻlib keladi.
Giperesteziya va tishlarning juda tez chirishi: yuqori qatlam emalining yoʻqolishi asosiy boʻshashgan dentinning asosini tashkil etuvchi nerv uchlarining taʼsiriga olib keladi. Bularning fonida deyarli barcha bemorlar tishlarida yuqori sezuvchanlik paydo boʻlib juda sovuq yoki issiq oziq-ovqatlarni, suyuqliklarni isteʼmol qila olishmaydi. Dentinning nisbatan past zichligi tishning yanada yemirilishi va uning ichidagi nerv tolalarining yoʻqolishiga olib keladi.

Bolaga qanday yordam berish kerak?

Psixoterapevt Filipp Tatarenkoning aytishicha, bolaga yordam berish uchun jismoniy jihatlarga emas, balki bolaning psixologiyasi bilan shugʻullanadigan mutaxassislarga murojaat qilish kerak. Bunday mutaxassislar bolalarning hissiy zoʻriqishlari, komplekslari bilan boʻladigan muammolarni yengishda yordam beradi, shunda bolalarning ham emoyional holati yaxshilanadi.

Qachon shifokorga murojaat qilish kerak?

Agar bruksizm kamdan-kam kuzatilsa, albatta bunda davolanish kerak emas. Va bruksizm oʻz oʻzidan yoʻqoladi. Ammo, bu har doim davom etsa, psixoterapevt va tishlar salomatligini tekshirish uchun tish shifokoriga murojaat qilish kerak.
Yangiliklar lentasi
0