Siyosat

Norov Samarqand deklaratsiyasida nimalar aks etishi bilan oʻrtoqlashdi

© Sputnik / Zafar XalilovZasedaniye Soveta ministrov inostrannыx del (SMID) gosudarstv-chlenov SHOS v Tashkente
Zasedaniye Soveta ministrov inostrannыx del (SMID) gosudarstv-chlenov SHOS v Tashkente - Sputnik Oʻzbekiston, 1920, 29.07.2022
Obuna boʻlish
Yandex newsTelegram
Samarqandda boʻlajak sammitning asosiy siyosiy hujjatida nimalar aks etishi haqida quyidagi materialimizda oʻqishingiz mumkin.
TOSHKENT, 29 iyul — Sputnik. Milliy koordinatorlar shu yil 15-16 sentyabr kunlari Samarqandda boʻlib oʻtadigan Shanxay hamkorlik tashkiloti sammitining katta hujjatlar toʻplamini kelishib olishdi. Bu haqida Sputnik muxbiri xabar berdi.
Oʻzbekiston tashqi ishlar vazirining soʻzlariga koʻra, ushbu hujjatlar toʻplami SHHTning jadal rivojlanishi, Tashkilotning salohiyati ortib borayotgani hamda zamonaviy chaqiriqlarga adekvat va samarali javob berish qobiliyatini namoyish etishga qaratilgan.
Sammitning asosiy siyosiy hujjati “Samarqand deklaratsiyasi” loyihasida mamlakatlarning eng muhim mintaqaviy va global muammolar boʻyicha mujassamlashgan pozitsiyalari oʻz ifodasini topgan.

“Amaliy hamkorlikni yanada takomillashtirish, mintaqaviy barqarorlik, xavfsizlik va barqaror iqtisodiy rivojlanishni taʼminlash, transport aloqalarini mustahkamlash, madaniy muloqotni chuqurlashtirish boʻyicha qoʻshma yondashuvlar belgilangan”, deydi Norov.

U shuningdek, SHHTga aʼzo davlatlar rahbarlari kengashi yigʻilishida uzoq muddatli yaxshi qoʻshnichilik, doʻstlik va hamkorlik toʻgʻrisidagi Shartnomani amalga oshirish boʻyicha keng qamrovli reja, transport aloqalarining oʻzaro bogʻlik kontseptsiyasi, shuningdek sanoat kooperatsiyasi dasturlari muhokama qilinishini qayd etib oʻtdi.
Yangiliklar lentasi
0