Toshkentning ayrim hududlarida gaz ta’minoti vaqtincha to‘xtatildi

© Sputnik / Pavel LisisinGazovaya plita
Gazovaya plita - Sputnik O‘zbekiston, 1920, 29.07.2022
Obuna bo‘lish
Yunusobod va Uchtepa tumanlarida vaqtincha gaz ta’minoti bo‘lmaydi.
TOShKENT, 29-iyul — Sputnik. Toshkent shahrining ayrim hududlarida gaz ta’minoti vaqtincha to‘xtatiladi. Bu haqida “Hududgaz Poytaxt” gaz ta’minoti filiali xabar berdi.
Aytilishicha, Yunusobod tumani Registon mahallasi hududidagi aholi xonadonlariga yo‘naltirilgan gaz quvurlari ikki bosqichli tizimga o‘tkazilmoqda. Shu sababli gaz quvurlarini kesish va ulash ishlarini amalga oshirish rejalashtirilgan.
Shunga ko‘ra, 29-iyul kuni soat 10:00 dan 17:00 gacha Registon mahallasida, Ahmad Donish 1-tor ko‘chasida gaz ta’minoti vaqtinchalik to‘xtatiladi.
Shuningdek, shu kunning o‘zida Uchtepa tumani, Zarafshon 6-tor ko‘chasida joylashgan gaz taqsimlash qurilmasini xavfsiz joyga ko‘chirish ishlari olib boriladi.
Soat 10:00 dan 17:00 gacha Zarafshon 6-tor ko‘chasida gaz ta’minoti vaqtinchalik to‘xtatiladi.
Qayd etilishicha, ta’mirlash ishlari tugatilgandan so‘ng, tabiiy gaz ta’minoti qayta tiklanadi.
Yangiliklar lentasi
0