Jamiyat

Oʻzgidromet hafta davomida kutilayotgan ob-havo haqida maʼlumot berdi

© Sputnik / Ramiz BaxtiyarovDerevya - luchshaya zaщita ot jarы
Derevya - luchshaya zaщita ot jarы - Sputnik Oʻzbekiston, 1920, 01.08.2022
Obuna boʻlish
NovostiTelegram
Hafta oʻrtasidan Oʻzbekiston hududining katta qismida havo ochiq boʻladi
TOSHKENT, 1 avg — Sputnik. Ertaga Samarqand, Jizzax viloyatlari va respublikaning togʻ oldi hamda togʻli hududlarining baʼzi joylarida momaqaldiroq bilan qisqa muddatli yomgʻir yogʻishi kutilmoqda. Qolgan hududlarda yogʻingarchiliksiz ob-havo saqlanib turadi. Bu haqda Oʻzgidromet xabar berdi.
Qayd etilishicha, 1-2 avgust kunlari janubda hamda choʻl hududlarining baʼzi joylarida shamol 15-20 m/s gacha kuchayishi, ayrim joylarda chang-toʻzonlari bilan kuzatilishi mumkin.
Hafta oʻrtasidan Oʻzbekiston hududining katta qismida havo ochiq boʻladi, faqat respublikaning togʻoldi hamda togʻli hududlarining baʼzi joylarida momaqaldiroq bilan qisqa muddatli yomgʻir yogʻishi mumkin.
Havo harorati biroz koʻtariladi va kechalari 20-25 daraja, kunduz kunlari 34-39 daraja atrofida boʻladi. 1 avgustda togʻ oldi va togʻli hududlarda sel-suv toshkin hodisalari yuzaga kelishi mumkin.
Eslatib oʻtamiz, bugun Oʻzbekiston hududi boʻyicha quruq va biroz issiq ob-havo boʻlishi kutilmoqda, faqat Qoraqalpogʻistonda, Xorazm viloyatining baʼzi joylarda qisqa muddatli yomgʻir yogʻib, momaqaldiroq boʻladi. Havo harorati kunning ikkinchi yarmida 34-37 darajagacha koʻtariladi.
Yangiliklar lentasi
0