Iqtisod

Iyul oyida yil boshidan beri ilk bor deflyatsiya qayd etildi

© Pixabay / Alexas_FotosKorzina v supermarkete
Korzina v supermarkete - Sputnik Oʻzbekiston, 1920, 01.08.2022
Obuna boʻlish
NovostiTelegram
Isteʼmol bozoridagi narxlarning oʻrtacha darajasi pasayishiga mavsumiy omillar sabab boʻlgan.
TOSHKENT, 1 avg — Sputnik. 2022 yilning iyul oyida isteʼmol bozoridagi narxlarning oʻrtacha darajasi 0,1 % ga pasaydi, yaʼni deflyatsiya qayd etildi. Bundan Davlat statistika qoʻmitasi chop qilgan yangi hisobotdagi raqamlar darak bermoqda.
Qayd etilishicha, dastlabki yetti oyda isteʼmol bozorida narxlarning oʻsish surʼati 6,4 % ga yetdi, oʻrtacha oylik oʻsish surʼati esa 0,9 % ni tashkil etdi. Yillik nisbatda (2021 yilning iyul oyiga nisbatan) isteʼmol sektorida narxlarning oʻsish surʼati 12,3 % ni tashkil etdi.
Iyul oyida narxlar va tariflar oshishi boʻyicha yetakchilik nooziqovqat mahsulotlarga tegishli boʻlib, oy davomida ularning narxlari oʻrtacha 0,9 % ga oshdi. Xizmatlar oy davomida 0,3 % ga qimmatlashdi.
Mavsumiylik oziq-ovqat mahsulotlari narxlari dinamikasini aniqlashda hal qiluvchi omil boʻldi. Ularning narxlari oy davomida 1,0 % ga arzonlashdi.
Joriy yilning yanvar-iyulida narxlar oshishi boʻyicha yetakchilikni oziq-ovqat mahsulotlari saqlab qoldi. Yil boshidan ular 7,7 % ga qimmatlashdi. Keyingi oʻrinda nooziq-ovqat mahsulotlar joylashib, ushbu davrda 6,7 % ga qimmatlashdi. Xizmatlar narxlarining oʻsish surʼati 3,5 % ni tashkil etdi.
Iyul oyida yillik nisbatda boshqalarga qaraganda oziq-ovqat mahsulotlari sezilarli darajada qimmatlashib, oʻtgan yilning iyuliga nisbatan ularning narxlari 16,3 % ga oshgan. Nooziq-ovqat mahsulotlar va pullik xizmatlar ushbu davrda mos ravishda 11,1 % va 6,9 % ga qimmatlashgan.
Iyul oyida meva-sabzavot mevalar va yongʻoqlar (14,2 %) hamda sabzavotlar (1,7 %) keskin arzonlashdi. Uzun boshoqli guruch (2,8 %), oq-qand (2,6 %), guruch oqshogʻi (2,4 %) va shakar (2,3 %) qimmatlashgan.
Narxlar tushishi tuxum (-5,0 %), sut (-1,3 %) hamda tovuq goʻshtida (0,2-0,6 %) qayd etildi.
Yillik nisbatda narxlar oshishi boʻyicha birinchi oʻrin piyoz (3,3 barobar), pasayish boʻyicha sabziga (-37,1 %) tegishli boʻldi.
Moliyaviy xizmatlardan joriy yilning iyul oyida elektron toʻlov tizimlari orqali pul mablagʻlarini yuborish boʻyicha xizmatlar (14,0 %) boshqalarga qaraganda yuqori darajada qimmatlashdi. Bank muassasalari xizmatlari oy davomida 4,6 % ga qimmatlashdi, pul oʻtkazmalari esa aksincha, 0,2 % ga arzonlashdi.
Yangiliklar lentasi
0