Siyosat

Prezidentning ushbu hafta uchun ish rejasi maʼlum boʻldi

© Press-slujba prezidenta UzbekistanaPress-sekretar prezidenta Uzbekistana, zamglavы yego administratsii Sherzod Asadov
Press-sekretar prezidenta Uzbekistana, zamglavы yego administratsii Sherzod Asadov - Sputnik Oʻzbekiston, 1920, 01.08.2022
Obuna boʻlish
NovostiTelegram
Shavkat Mirziyoyev ushbu haftada Turkiya hamda Ozarbayjon tashqi ishlar vazirlarini qabul qiladi.
TOSHKENT, 1 avg — Sputnik. Toshkentda Oʻzbekiston, Turkiya va Ozarbayjon tashqi ishlar, savdo hamda transport vazirlarining ilk marotaba uch tomonlama uchrashuvi boʻlib oʻtadi. Bu haqida prezident matbuot kotibi Sherzod Asadov tomonidan oʻtkazilgan brifingda maʼlum qilindi.
Sherzod Asadov oʻz soʻzida prezidentning bu hafta ish rejasidan oʻrin olgan tadbirlarga toʻxtalib oʻtdi.
Qayd etilishicha, muzokaralar kun tartibidan mintaqalararo hamkorlik, investitsiya, innovatsiya va transport-kommunukatsiya sohalaridagi aloqalarni yanada rivojlantirish masalalari oʻrin olgan.
Prezident mamlakatga keladigan Turkiya tashqi ishlar vaziri Mexmet Chovushoglu hamda Ozarbayjon tashqi ishlar vaziri Jeyxun Bayramovni qabul qilishi rejalashtirilmoqda.

Shuningdek, prezident 28 iyuldan beri mamlakatda boʻlib turgan Yevropada xavfsizlik va hamkorlik tashkilotining Milliy ozchiliklar masalalari boʻyicha komissari Qayrat Abdurahmanovni qabul qiladi.
Bundan tashqari, hafta davomida mamlakatimizni iqtisodiy-ijtimoiy rivojlantirishga qaratilgan yigʻilish va muhokamalar oʻtkaziladi.
Eslatib oʻtamiz, avvalroq matbuot kotibining anʼanaviy dushanba brifingi biroz tanaffusdan soʻng yana qayta tiklangani maʼlum qilingandi. Endilikda brifingyangi formatda davom etadi.
Yangiliklar lentasi
0