Jamiyat

Oʻzbekiston va Rossiya birgalikda meteorologiya yoʻnalishida mutaxassislar tayyorlaydi

© Sputnik / Aleksey Malgavko / Mediabankka oʻtishStudentы na lektsii
Studentы na lektsii - Sputnik Oʻzbekiston, 1920, 01.08.2022
Obuna boʻlish
NovostiTelegram
Sohada mutaxassisilarni tayyorlashga talab yuqori. Dunyo miqyosidagi iqlim oʻzgarishi, Markaziy Osiyo jumladan, Oʻzbekistonni ham chetlab oʻtmaydi- mutaxassis.
TOSHKENT, 1 avg — Sputnik. Oʻzbekiston va Rossiya birgalikda metereologiya yoʻnalishida mutaxassislar tayyorlaydi. Bu haqida Oʻzbekiston Milliy universiteti Gidrometeorologiya fakulteti dekani, dotsent Komiljon Raxmonov Sputnik muxbiriga maʼlum qildi.
Qayd etilishicha, Oʻzbekiston Milliy universiteti va Rossiya Davlat Gidrometeorologiya universiteti bilan hamkorlikda 2022-2023 oʻquv yili uchun ikki diplomlik sirtqi qoʻshma taʼlim dasturiga qabul boshlandi. Qoʻshma taʼlim dasturida 50 dan oshiq abituriyentlarni qabul qilish rejalashtirilgan.
Komiljon Raxmonovning soʻzlariga koʻra, “Meteorologiya va iqlimshunoslik” taʼlim yoʻnalishida mutaxassislarni tayyorlash uchun Oʻzgidromet, RDGMU va OʻzMU oʻrtasida shartnoma tuzilgan. Oʻqitish jarayonida Oʻzgidromet bazasida mavjud laboratoriyadan foydalaniladi.
“Ushbu sohada mutaxassisilarni tayyorlashga talab yuqori. Sababi, bugungi kundagi dunyo miqyosidagi iqlim oʻzgarishi, Markaziy Osiyo jumladan, Oʻzbekistonni ham chetlab oʻtmaydi. Bu borada bugungi kunda iqlim oʻzgarishi uning qor va muzliklarga taʼsiri, iqlim oʻzgarishining suv resurslari va inson salomatligiga taʼsirini oʻrganish va prognoz qilish masalalari oʻta muhimdir. Bu boʻyicha RDGMU va OʻzMU olimlari bilan hamkorlikda shu soha boʻyicha mutaxassislar tayyorlash koʻzda tutilgan”, deydi Komiljon Raxmonov.
Kelajakda talabalar Oʻzgidromet tizimida, Gidrometeorologiya ilmiy-tadqiqot institutida, OTMda, Favqulodda vaziyatlar vazirligi tizimlarida, suv xoʻjaligi vazirligi tizimida, qishloq xoʻjaligi vazirligi tizimida faoliyat olib borishlari mumkin.
Shuningdek, RDGMU yoki OʻzMUda magistraturaga qabul qilinishlari hamda kelajakda ushbu OTMlarida oʻz ilmiy faoliyatlarini davom ettirishlari ham koʻzda tutilgan.
Abituriyentlardan talab etiladigan hujjatlar:
Skanerlashtirilgan shahodatnoma, diplom (rangli variant)
Skanerlashtirilgan pasportingiz (rangli variant)
Rasm 3,5x4,5 (jpeg)
Hujjatlar 20 avgustga qadar qabul qilinadi. Abituriyentlar matematika va rus tili fanlaridan test topshirishadi.
Darslar har ikki universitetning malakali professor-oʻqituvchilari tomonidan olib boriladi.
Yangiliklar lentasi
0