Dunyoda

Bangkok Putinning OTIH sammitida ishtirok etishini intiqlik bilan kutyapti – Tailand elchisi

© Sputnik / Mixail MettselPrezident RF Vladimir Putin, arxivnoye foto
Prezident RF Vladimir Putin, arxivnoye foto - Sputnik Oʻzbekiston, 1920, 02.08.2022
Obuna boʻlish
NovostiTelegram
Putinning Tailandga tashrifi mamlakatlar bu yil nishonlayotgan diplomatik munosabatlar oʻrnatilganining 125 yilligi doirasidagi unutilmas voqea boʻladi.
TOSHKENT, 2 avg — Sputnik. Tailand Rossiya prezidenti Vladimir Putinning shu yilning noyabr oyida Bangkokda boʻlib oʻtadigan Osiyo-Tinch okeani iqtisodiy hamkorligi sammitida ishtirok etishini intiqlik bilan kutmoqda, tez orada rasmiy taklif yuboriladi. Bu haqda Tailand Qirolligining Rossiyadagi elchisi Sasivat Vongsinsavat RIA Novostiga maʼlum qildi.
“2003 yilda Rossiya Federatsiyasi prezidenti Vladimir Putin Tailandda boʻlib oʻtgan Osiyo-Tinch okeani iqtisodiy hamkorligi sammitida ishtirok etgan edi. Mana, oradan 19 yil oʻtib, uni yana oʻtkazish vaqti keldi. Biz prezident Putinning yana sammitga kelishini intiqlik bilan kutamiz. Bosh vazirimiz rahbarlarni taklif qilish boʻyicha tegishli ishlarni tashkil etgan, ishonchim komilki, tez orada rasmiy taklif yuboriladi. Biz prezident Putinni Tailandda yana intiqlik bilan kutmoqdamiz”, dedi Vongsinsavat.
Elchining qoʻshimcha qilishicha, Putinning Tailandga tashrifi mamlakatlar bu yil nishonlayotgan diplomatik munosabatlar oʻrnatilganining 125 yilligi doirasidagi unutilmas voqea boʻladi.
Osiyo-Tinch okeani iqtisodiy hamkorligi sammiti 2022 yil noyabr oyida Bangkokda boʻlib oʻtadi. Bu yil forumga Tailand raislik qilmoqda. 2023 yilda raislik AQShga oʻtadi.
Yangiliklar lentasi
0