Analitika

Oʻzbekiston elektr energiya ishlab chiqarishni 2,5 baravar oshirishi kerak - rossiyalik ekspert

© Sputnik / Ilya Naymushin / Mediabankka oʻtishLinii elektroperedachi
Linii elektroperedachi - Sputnik Oʻzbekiston, 1920, 02.08.2022
Obuna boʻlish
NovostiTelegram
Oʻsayotgan aholi soni va ishlab chiqarish ehtiyojlarini taʼminlash uchun Oʻzbekiston 2030 yilga qadar energetika quvvatini bugungi 13 GVtdan 31 GVtga yetkazishi kerak.
TOSHKENT, 2 avg - Sputnik. Rossiyalik energetika eksperti, "Geoenergetika.info" jurnali bosh muharriri Boris Martsinkevich Sputnik media markazida boʻlib oʻtgan “Moskva – Minsk – Yerevan – Tbilisi” mediakoʻprigi doirasida Oʻzbekiston energetikasiga doir mulohazalari bilan baham koʻrishdi.
Mutaxassis aytishiga koʻra, bugungi kunda Oʻzbekistondaga barcha eletr energiyasi ishlab chiqarayotgan stantsiyalaruning umumiy quvvati 13 GVtni tashkil qiladi. Lekin mutaxassislar xulosasiga koʻra, 2030 yilga kelib respublikada aholi soni 37 mln kishiga yetadi va elektr energiyasiga boʻlgan ehtiyoj 31 GVtgacha oshadi.
“Oʻsayotgan aholi soni va ishlab chiqarish hajmlari hamda urbanizatsiya jarayonlarini taʼminlash uchun Respublika qolgan 8 yil ichida energetika ishlab chiqarish quvvatini keskin oshirishi kerak”, - deydi Martsinkevich.
Shuningdek ekspert Oʻzbekistonda bugungi kunda elektr energiyasi ishlab chiqarish quvvatini ildam oshirib borayotganini ham alohida aytib oʻtdi. Xususan respublikada soʻnggi 5 yilda 11ta kichik GESlar qurilib 9ta amaldagi elektr stantsiyalari yangilangan.
Undan tashqari “OʻzAtom” va “RosAtom” Jizzax viloyatidagi Tuzkon koʻlida AES qurish loyihasini bosqichma-bosqich amalga oshirib kelayotganini ham aytib oʻtdi. Martsinkevich aytishiga koʻra, bu yerda ikkita VVER-1200 blokiga ega boʻlgan AES quriladi. Mutaxassis, shu oʻrinda, yaqinda yevropalik ekspertlar ushbu energiya ishlab chiqarish turini “uglevodrod izidan xoli” deb tan olganini ham eslatib oʻtdi.
Yaqinda umumjahon yadroviy energetika tashkiloti MAGATE komissiyasi Oʻzbekistonda boʻlib, boʻlajak AES loyihasini har tomonlama oʻrganib chiqqanini va uni xavfsiz deb topganini hamda yaqin vaqt ichida litsenziya berish arafasida turganini ham aytib oʻtdi.
Shuningdek, rossiyalik ekspert Oʻzbekistonda sovet davrida qurilgan gaz quvurlari orqali Rossiya gaz taʼminot tizimidan (Ural, Sibor orqali) yirik miqdorda gaz olishi hamda uni sobiq yer osti konlarida saqlash imkoni borligini ham aytib oʻtdi. Bu ham albatta respublika energetika tizimiga ulkan hissa qoʻshishi mumkin. Jumladan IESlar ishlab chiqarish quvvatini oshishi uchun ham.
Quyosh energetikasi ham Oʻzbekiston uchun istiqbolli boʻlishi mumkin, chunki respublikada yillik insolyatsiya miqdori juda yuqori. Lekin soʻnggi vaqtda jahon bozorida metalllar narxi oshishi tufayli quyosh panellari narxi ham keskin oshishi mumkin.
Martsinkevich shu bilan birga, Markaziy Osiyo respublikalari Sovet Ittifoqi davrida yoʻlga qoʻyilgan MO suv-energetika majmuasini qayta yoʻlga qoʻyishi kerakligini ham alohida taʼkidlab oʻtdi. Buning uchun markazi Oʻzbekistonda joylashgan MO energetik halqasini ishga tushirishi kerakligini taʼkidlab oʻtdi. Bu birinchi navbatda respublikalarning suv taʼminoti uchun muhimligini taʼkidladi.
Toʻliq intervyu bilan batafsil quyidagi videolavhamizda tanishing.
Yangiliklar lentasi
0