Iqtisod

Oʻzbekistonga pul oʻtkazmalari hajmi 2,6 baravar oshdi. MB buning sabablarini tushuntirdi

© pexels.com/ Tima MiroshnichenkoXiщeniye gosudarstvennыx sredstv
Xiщeniye gosudarstvennыx sredstv - Sputnik Oʻzbekiston, 1920, 02.08.2022
Obuna boʻlish
NovostiTelegram
Bu rublning dollarga nisbatan sezilarli darajada mustahkamlanishi, mehnat muxojirlari pul oʻtkazmalarini rasmiy kanallar orqali yuborishga oʻtganligi kabi omillar bilan izohlandi.
TOSHKENT, 2 avg — Sputnik. 2022 yilning I yarim yilligida Oʻzbekistonga jami 6,5 mlrd dollarlik transchegaraviy pul oʻtkazmalari kirib kelgan. Bu haqda Markaziy bank sharhida keltirilgan.
Qayd etilishicha, bu koʻrsatkich 2021 yilning mos davriga nisbatan 2,6 barobarga yuqori boʻlgan hamda maʼlum jihatdan aholining isteʼmol va investitsion faolligini qoʻllab-quvvatlashga xizmat qilmoqda.
“Mamlakatimizga kirib kelgan pul oʻtkazmalari hajmi 2022 yilning II choragida sezilarli darajada oshdi va oʻtgan yilning mos davriga nisbatan 2,6 barobarga oʻsib, 5,1 mlrd dollarni tashkil etdi”, - deyiladi sharhda.
Transchegaraviy pul oʻtkazmalarning keskin oʻsishi sabablari:
rublning dollarga nisbatan sezilarli darajada mustahkamlanishi;
Rossiyadagi valyuta cheklovlari natijasida mehnat muxojirlarining pul oʻtkazmalarini norasmiy kanallar orqali emas, rasmiy kanallar orqali yuborishga oʻtganligi;
Rossiyaga naqd pulda eksport qiluvchi kichik va oʻrta biznes ham mablagʻlarini rasmiy kanallar orqali yuborishi kabi omillar bilan izohlanmoqda.
Yangiliklar lentasi
0