Jamiyat

Namanganda qadimgi otashparastlar ibodatxonasi topildi – tafsilotlar

© Turizm va Madaniy meros agentligi Namanganda qadimgi otashparastlar ibodatxonasi topildi – tafsilotlar
Namanganda qadimgi otashparastlar ibodatxonasi topildi – tafsilotlar  - Sputnik Oʻzbekiston, 1920, 03.08.2022
Obuna boʻlish
NovostiTelegram
Qadimgi ibodatxonani ochiq osmon ostidagi muzeyga aylantirish rejalashtirilgan.
TOSHKENT, 3 avg — Sputnik. Namanganda qadimgi otashparastlar ibodatxonasi topildi. Arxeologik obyektini ochiq osmon ostidagi muzeyga aylantirish rejalashtirilgan. Bu haqida Turizm va Madaniy meros agentligi xabar berdi.
Aytilishicha, Norin tumani Uchtepa qishlogʻida qadimgi Xaylam shahri otashparastlar ibodatxonasi joylashgani aniqlandi. Ibodatxona milodiy VII-VIII asrlarga qadar mavjud boʻlgan. Qazishma ishlari vaqtida rohib va rohibalarga tegishli suyak qoldiqlari, 50 dan ortiq oʻchoq izlari hamda sopol idish siniqlari topildi.
“Uchtepa-2da oʻtkazilgan arxeologik tadqiqotlar ibodatxona yongʻin natijasida vayron boʻlganini koʻrsatdi. Ruhoniylarga tegishli ekani taxmin qilinayotgan jasad qoldiqlarida esa oʻtkir tigʻli qurol bilan yetkazilgan zarba izlari topildi. Ushbu topilmalar va yongʻin izlari ibodatxonada jang olib borilganini koʻrsatib turibdi”, deyiladi xabarda.
Hozirda Oʻzbekiston Innovatsion rivojlanish vazirligi bilan hamkorlikda Uchtepa-2 arxeologiya obyekti konservatsiya qilindi.
© Turizm va Madaniy meros agentligi Namanganda qadimgi otashparastlar ibodatxonasi topildi – tafsilotlar
Namanganda qadimgi otashparastlar ibodatxonasi topildi – tafsilotlar  - Sputnik Oʻzbekiston, 1920, 03.08.2022
Namanganda qadimgi otashparastlar ibodatxonasi topildi – tafsilotlar
Obyektining devor va tom qismlarini issiq va sovuqdan saqlash uchun izolyatsiya ishlari amalga oshirilishi va obyektda doimiy bir xil haroratni saqlash maqsadida sovutish va isitish uskunasi oʻrnatish choralari koʻrilmoqda.
Qayd etilishicha, obyektni ochiq osmon ostidagi muzeyga aylantirish boʻyicha taklif Vazirlar Mahkamasiga kiritilishi rejalashtirilgan.
Ushbu obyekt akademik Ahmadali Asqarov tomonidan ochib oʻrganilgan va bir qator tadqiqotlar oʻtkazilgan.
Yangiliklar lentasi
0