Iqtisod

Rossiya Oʻzbekistondan qariyb 4 ming tonna oʻrik xarid qildi

© Pixabay / Couleurabrikos
abrikos - Sputnik Oʻzbekiston, 1920, 03.08.2022
Obuna boʻlish
NovostiTelegram
Oʻzbekiston Rossiya va Qozogʻistonga 5 ming tonna oʻrik yetkazib berdi.
TOSHKENT, 3 avg — Sputnik. Oʻzbekiston 2022 yilning yanvar-iyun oylarida xorijiy davlatlarga qiymati qariyb 5,8 mln dollarga teng boʻlgan 5,7 ming tonna oʻrik eksport qilgan. Bu haqda Davlat statistika qoʻmitasi matbuot xizmati xabar berdi.
Qayd etilishicha, oʻrik eksporti oʻtgan yilning mos davri bilan solishtirilganda 3,1 ming tonnaga kamaygan.
2022 yilning olti oyida Oʻzbekiston oʻriklarini eng koʻp Rossiya (3,7 ming tonna) xarid qilgan. Shuningdek, Qozogʻiston 1,3 ming tonna, Qirgʻiziston 707 tonna oʻrikni Oʻzbekistondan sotib olgan.
2022 yilning dastlabki olti oyida xorijga eng koʻp oʻrik eksport qilgan hududlar:
· Fargʻona viloyati – 2,9 ming tonna;
· Xorazm viloyati – 831 tonna;
· Toshkent viloyati – 393 tonna.
Eslatib oʻtamiz, Surxondaryo viloyatining Termiz tumanida pishib yetilgan oʻrik hosili kunlik terib olinib, har kuni 10 tonnadan ortiq mahsulot Rossiya va qoʻshni davlatlarga eksport qilinmoqda.
Yangiliklar lentasi
0