Madaniyat

Hunarmandlar davri keldi – Hotamova

© Foto: “Hunarmand” uyushmasi axborot xizmati “Toshkent suvenirlari” koʻrgazma-savdosi
“Toshkent suvenirlari” koʻrgazma-savdosi - Sputnik Oʻzbekiston, 1920, 04.08.2022
Obuna boʻlish
NovostiTelegram
Dastlabki hisob-kitoblarga koʻra, “Toshkent suvenirlari” koʻrgazma-savdosiga 100 mingdan ortiq kishi tashrif buyuradi.
TOSHKENT, 4 avg — Sputnik. Aholining madaniy hordiq olishi va xorijiy sayyohlarga munosib sovgʻalar taqdim etish maqsadida 19-21 avgust kunlari Toshkent shahridagi Sayilgoh koʻchasida “Toshkent suvenirlari” nomli koʻrgazma-savdosi oʻtkaziladi.
Uch kun davomida mehmonlar Oʻzbekistonning mashhur hunarmandlaridan milliy hunarmandchilik mahsulotlari, suvenirlar sotib olishlari, ularning tayyorlanish jarayonlarini kuzatishlari va oʻzlari bu jarayonda bevocita ishtirok etishlari, shuningdek, koʻtarinki koʻngilochar dasturni tomosha qilishlari mumkin.
“Hunarmand” uyushmasi axborot xizmati rahbari Nilufar Hotamovaning Sputnik muxbiriga maʼlum qilishicha, tadbirdan koʻzlangan yana bir maqsad yosh hunarmandlarni ish bilan taʼminlash, ularni qoʻllab-quvvatlashdan iborat. Ishsiz yoshlar kelib, hunarmand ustalarga shogird tushishlari va mahoratlarini oshirishlari mumkin.
Koʻrgazma-savdoda respublikaning barcha hududlaridan 200 nafardan ziyod hunarmandlar, xalq amaliy sanʼati ustalari hunarmandchilik mahsulotlari va milliy matolar adras atlas, zargarlik buyumlari, kulollik, gilamchilik, zardoʻzlik va hunarmandchilikning boshqa yoʻnalishlarida mahorat darslari bilan ishtirok etadi.
“Toshkent suvenirlari” koʻrgazma-savdosi davomida biznes vakillari hunarmandlar bilan foydali shartnomalar tuzishlari ham mumkin boʻladi.
Dastlabki hisob-kitoblarga koʻra, koʻrgazma-savdoga 100 mingdan ortiq kishi tashrif buyuradi.
“Bu galgi koʻrgazma-savdoda respublikaning ilgʻor usta hunarmandlari oʻz mahoratlarini namoyon etadilar. Bir soʻz bilan aytganda, hunarmandlar davri keldi. Oʻylaymanki, tadir kutilmagan sovgʻalarga boy boʻladi”, - deya xulosa qildi Hotamova.
Mazkur tadbir Oʻzbekistonda ilk bor 2018 yilda oʻtkazilgan.
Avvalroq Toshkentda 6 va 7 avgust kunlari “Yangiamarket” hunarmandlar, rassomlar, gastro-havaskorlar va musiqachilarning ikkinchi festivali boʻlib oʻtishi xabar qilingan edi.

Mavzuga oid:

Buxoroga Jahon hunarmandlar shahri maqomi berildi
Imkoniyati cheklangan tadbirkorlarga qanday yordam koʻrsatilmoqda - video
Mirziyoyev Rishtondagi kulolchilik markazini koʻzdan kechirdi
Yangiliklar lentasi
0