Dunyoda

Kreml Togʻli Qorabogʻdagi vaziyat keskinlashayotganidan xavotirda ekanini bildirdi

© Sputnik / Valeriy MelnikovRossiyskiy mirotvorets na blokpostu №6 na vʼyezde v gorod Shusha na doroge iz Stepanakerta v Lachin, arxivnoye foto
Rossiyskiy mirotvorets na blokpostu №6 na vʼyezde v gorod Shusha na doroge iz Stepanakerta v Lachin, arxivnoye foto - Sputnik Oʻzbekiston, 1920, 04.08.2022
Obuna boʻlish
Yandex newsTelegram
Peskov: Rossiya mojaro tomonlarini vazminlikka va kelishuvlarni amalga oshirishga chaqiradi.
TOSHKENT, 4 avg — Sputnik. Moskva Togʻli Qorabogʻdagi vaziyat keskinlashayotganidan xavotirda hamda tomonlarni vazminlikka va uch tomonlama kelishuvlarni bajarishga chaqiradi. Bu haqda jurnalistlarga Rossiya prezidenti matbuot kotibi Dmitriy Peskov maʼlum qildi.
“Biz juda diqqat bilan kuzatyapmiz. Tabiiyki, vaziyatning keskinlashuvidan xavotirdamiz. Tomonlarni vazminlikka, eng muhimi, maʼlum uch tomonlama hujjatlarning barcha bandlariga rioya qilishga chaqiramiz”, dedi u.
2020 yil sentyabr oyi oxirida Togʻli Qorabogʻda jangovar harakatlar qayta boshlandi, bu uzoq muddatli mojaroning davomiga aylandi va tinch aholining qurbon boʻlishiga olib keldi. Tomonlar sulh tuzishga bir necha bor uringan, biroq 10 noyabrga oʻtar kechasi erishilgan uch tomonlama kelishuv muvaffaqiyatli boʻlgan. Moskva vositachiligida Ozarbayjon va Armaniston oʻt ochishni toʻliq toʻxtatishga hamda asirlar va oʻlganlarning jasadlarini almashishga kelishib olgan.
Bundan tashqari, Yerevan Bokuga Kelbajar va Lochin viloyatlarini, shuningdek, urushlar oraligʻida tan olinmagan Togʻli Qorabogʻ Respublikasi nazorati ostida boʻlgan Agdam viloyatining bir qismini topshirgan. Mintaqada Rossiya tinchlikparvar kuchlari joylashtirilgan.
Kecha, 3 avgust kuni keskinlikning yangi bosqichi paydo boʻldi. Rossiya Federatsiyasi Mudofaa vazirligi Ozarbayjon qurolli kuchlari Togʻli Qorabogʻ mojarosi hududida, Saribob balandligi hududida oʻt ochishni toʻxtatish rejimini buzganini maʼlum qildi. Vazirlikning qoʻshimcha qilishicha, Rossiya tinchlikparvar kontingenti qoʻmondonligi Ozarbayjon va Armaniston tomonlari vakillari bilan birgalikda vaziyatni barqarorlashtirish choralarini koʻrmoqda.
Togʻli Qorabogʻda qisman safarbarlik eʼlon qilindi
Yangiliklar lentasi
0