“Osiyo bolalari”: O‘zbekiston medallar hisobida ikkinchi o‘ringa ko‘tarildi

© Natsionalniy olimpiyskiy komitet UzbekistanaMedali VII Mejdunarodnix sportivnix igr "Deti Azii".
Medali VII Mejdunarodnix sportivnix igr Deti Azii. - Sputnik O‘zbekiston, 1920, 04.08.2022
Obuna bo‘lish
Vladivostok shahrida bo‘lib o‘tayotgan "Osiyo bolalari" xalqaro olimpiada o‘yinlarida O‘zbekiston yoshlari hisobida 25 ta oltin, 18 ta kumush va 28 ta bronza jamlandi.
TOShKENT, 4 avg — Sputnik. “Osiyo bolalari” xalqaro sport o‘yinlarining navbatdagi bahslari yakuniga ko‘ra, O‘zbekiston davlatlar kesimida kuchli uchlikka kirdi. Bu haqida Milliy olimpiya qo‘mitasi xabar berdi.
Ishtirokchi davlatlar orasida Rossiya birinchi, O‘zbekiston ikkinchi, Qozog‘iston uchinchi o‘rinni egallagan.
Davlatlar kesimidagi kuchli uchlik:
Rossiya
O‘zbekiston
Qozog‘iston
Medallar jamg‘arish bo‘yicha O‘zbekiston delegatsiyasi yana bir pog‘ona ko‘tarildi. Hozirda O‘zbekiston hisobida 25 ta oltin, 18 ta kumush va 28 ta bronza bor.
Medallar soni bo‘yicha birinchi o‘rinni hozirda 35 ta oltin medal bilan Sibir federal okrugi egallab turibdi.
3 avgust kuni bo‘lib o‘tgan bahslarda sambo, dzudo va sohil voleyboli vakillari respublika terma jamoasi hisobini 14 ta medal, shu jumladan uchta eng yuqori darajadagi mukofot, uchta kumush va sakkizta bronza bilan to‘ldirishdi.
"Oltin":
Islom Abduzakirov (sambo);
Zarina Jamolova (dzudo);
Asadbek Bekturdiyev (dzudo).
"Kumush":
Diyora Nomozova (sambo);
Fotima Musayeva (sambo);
Aselxan Aralboyeva (dzudo).
"Bronza":
Bibixonim Odilova (sambo);
Shaxzoda Sadullayeva (sambo);
Nemat Xudayberganov (sambo);
Asadbek Matakubov (sambo);
Azamat Abloqulov (sambo);
Diyorbek Qo‘chqorov (sambo);
Gulmira Rustamova (dzudo);
Sohil voleyboli bo‘yicha O‘zmirlar terma jamoasi.
Eslatib o‘tamiz, Vladivostokda bo‘lib o‘tayotgan “Osiyo bolalari” VII Xalqaro sport o‘yinlari 8-avgustga qadar davom etadi. Unda ishtirokchilar sportning 19 turi bo‘yicha 273 ta medal jamlanmasi uchun kurash olib bormoqdalar.
Yangiliklar lentasi
0