Madaniyat

Toshkentda Rossiya Milliy filarmoniya orkestri kontsert beradi

© Fond razvitiya kulturы i iskusstva pri Minkulte UzbekistanaVladimir Spivakov i Natsionalnыy filarmonicheskiy orkestr Rossii na ploщadi Registan v Samarkande
Vladimir Spivakov i Natsionalnыy filarmonicheskiy orkestr Rossii na ploщadi Registan v Samarkande - Sputnik Oʻzbekiston, 1920, 05.08.2022
Obuna boʻlish
Yandex newsTelegram
Kontsert Madaniyat va sanʼatni rivojlantirish jamgʻarmasi hamda Alisher Usmonov xayriya jamgʻarmasi koʻmagida sentyabr oyida boʻlib oʻtadi.
TOSHKENT, 5 avg — Sputnik. Toshkentda 8 sentyabr kuni dirijyor Vladimir Spivakov boshchiligidagi Rossiya Milliy filarmoniya orkestrining kontserti boʻlib oʻtadi. Bu haqida Madaniyat va sanʼatni rivojlantirish jamgʻarmasi xabar berdi.
Tadbirda Genrik Ibsenning “Per Gyunt” dramasi musiqasidagi mashhur syuita va Norvegiya mumtoz sanʼat arbobi Edvard Grigning lya minor orkestri fortepiano kontserti ijro etiladi.
Shuningdek, Pyotr Chaykovskiy, Antonin Dvorjak, Jakomo Puchchini va Franchesko Chilea operalaridan parchalar ham ijro etilishi rejalashtirilgan.
Yakkaxon ijrochilar Vladimir Spivakov va uning jamoasining kontsert va sayyor chiqishlarida bir necha bor ishtirok etgan pianinochi Ivan Bessonov va soprano Yekaterina Petrova boʻladi.
Tadbir “Oʻzbekiston” xalqaro anjumanlar saroyi sahnasida Madaniyat va sanʼatni rivojlantirish jamgʻarmasi hamda Alisher Usmonovning "Sanʼat, fan va sport" Xayriya Jamgʻarmasi koʻmagida oʻtkaziladi.
Eslatib oʻtamiz, oʻtgan yili Rossiya milliy filarmoniyasi orkestrining kontserti 23 may kuni Toshkentda va 25 may kuni Samarqandda boʻlib oʻtgandi.
Yangiliklar lentasi
0