Turizm

“Xitoy-Qirgʻiziston-Oʻzbekiston” temir yoʻl qurilishi loyihasi boʻyicha ishlar boshlanmoqda

Jeleznaya doroga - Sputnik Oʻzbekiston, 1920, 05.08.2022
Obuna boʻlish
Yandex newsTelegram
Magistral Xitoy temir yoʻllarini Oʻzbekiston bilan bogʻlashi, keyin esa Afgʻoniston, Eron va Turkiyaga borishi kerak.
TOSHKENT, 5 avg — Sputnik. Xitoy loyiha institutining 80 nafar mutaxassisi Qirgʻizistonga yetib keldi va “Xitoy-Qirgʻiziston-Oʻzbekiston” temir yoʻli qurilishi loyihasining texnik-iqtisodiy asoslarini tayyorlash boʻyicha ishlarni boshladi. Bu haqda Sputnik Qirgʻiziston yozmoqda.
Bir kun avval Qirgʻiziston Respublikasi transport va kommunikatsiyalar vaziri Erkinbek Osoyev Xitoy temir yoʻl qurilish korporatsiyasining Birinchi loyiha-qidiruv instituti vakillari bilan uchrashdi. Uchrashuvda tomonlar temir yoʻl qurilishida ishlarni kuchaytirish zarurligini taʼkidladi.
“Temir yoʻl qurilishining texnik-iqtisodiy asoslarini birgalikda ishlab chiqish boʻyicha kelishuv allaqachon mavjud”, deyiladi vazirlik xabarida.
Xabarga koʻra, Qirgʻiziston rahbariyati loyihani tezroq amalga oshirish tarafdori va imkon qadar tezroq texnik-iqtisodiy asoslashni ishlab chiqish uchun barcha saʼy-harakatlarini amalga oshirmoqda.
Maʼlumot oʻrnida, temir yoʻl qurilishi boʻyicha shartnoma sentyabr oyida SHHT sammitida imzolanishi rejalashtirilgan. Magistral Xitoy temir yoʻllarini Oʻzbekiston bilan bogʻlashi, keyin esa Afgʻoniston, Eron va Turkiyaga borishi kerak. Loyihaning amalga oshirilishi Markaziy Osiyoni muhim tranzit yoʻliga aylantiradi.
Yangiliklar lentasi
0