Iqtisod

Iqtisodchi kelajakda valyuta urushlarini bashorat qildi

© Rudin GroupGoryaщiy dollar
Goryaщiy dollar - Sputnik Oʻzbekiston, 1920, 06.08.2022
Obuna boʻlish
NovostiTelegram
Iqtisodchi Kuznetsov: AQSH va boshqa davlatlar kelajakda oʻz valyutalarini qadrsizlantirishni boshlaydilar.
TOSHKENT, 6 avg — Sputnik. Valyuta urushlari yoki mamlakat regulyatori tomonidan iqtisodiyot uchun imtiyozlar olish maqsadida milliy valyuta kursini ataylab pasaytirish kelajakda odatiy holga aylanadi. RIA Novosti.
Ularda qaysi davlatlar ishtirok etishi va u qanday boʻlishi haqida Davlat menejment universitetining statistika boʻlimi boshligʻi vazifasini bajaruvchi Nikolay Kuznetsov soʻzlab berdi.
Barcha davlatlarda sanoat ishlab chiqarishining qisqarishi fonida oʻzining iqtisodiyotini qoʻllab-quvvatlashga urinishlar muqarrar koʻrinadi. Birinchi navbatda AQShning Jo Baydendan keyingi prezidenti dollarni zaiflashtirish uchun Donald Trampga ergashishi mumkin. AQSH valyutasiga qaram boʻlgan Lotin Amerikasi davlatlari ham xuddi shunday qilishga majbur boʻladi, keyinchalik AQSH dollari bilan chambarchas bogʻliq boʻlgan Gonkong dollari va arab dirhami ham pastga tushadi.
Xitoy AQSH bojlariga qarshi kurashish uchun 3 yil avval yuanni devalvatsiya qilgan va yana xuddi shunday qilishi mumkin. Unga pandemiyadan keyin iqtisodiy tiklanishga muhtoj boʻlgan mintaqadagi boshqa davlatlar – Yaponiya va Janubiy Koreya ham qoʻshiladi.
Rossiyada rublning hozirgi kursi iqtisod uchun noqulay ekanligi va uni pasaytirish kerakligini aytishmoqda. Agar bu amalga oshirilsa, jumladan, yangi byudjet qoidasi orqali, boshqa mintaqaviy oʻyinchilar rublga ergashadilar. Mahalliy ishlab chiqaruvchilarni qoʻllab-quvvatlashi kerak boʻlgan Yevropa Ittifoqi inflyatsiyaga qarshi teskari jarayon – yevroning AQSH dollariga nisbatan mustahkamlanishi orqali kurashishga majbur boʻladi.
Koʻrinishidan qonsiz boʻlgan valyuta urushi sezilarli oqibatlarga olib kelishi mumkin. “Nazoratdan chiqib, iqtisodiyotni izdan chiqaradi, bank sektori barqarorligini buzadi, aholining qashshoqlashishiga olib keladi. Valyuta urushlariga boʻlgan haddan tashqari berilish halokatga olib kelgan holatlarni tarix biladi", - deb xulosa qildi iqtisodchi.
Yangiliklar lentasi
0