Jamiyat

Maktablarda yangi oʻquv yiliga tayyorgarlik boshlandi - XTV

© Sputnik / Vitaliy Ankov / Mediabankka oʻtishPervoklassniki v klasse
Pervoklassniki v klasse - Sputnik Oʻzbekiston, 1920, 09.08.2022
Obuna boʻlish
NovostiTelegram
Xalq taʼlimi vazirligi farzandini bir maktabdan boshqasiga oʻtkazishga qaror qilgan ota-onalardan imkon qadar bu ishni tezroq amalga oshirishini soʻramoqda.
TOSHKENT, 9 avg — Sputnik. Umumtaʼlim maktablari yangi oʻquv yiliga tayyorgarlik koʻrishni boshladi. Bu haqida Xalq taʼlimi vazirligi xabar berdi.
Yangi oʻquv yili boshlanishiga bir oydan kam muddat qoldi. Shu munosabat bilan, 1-sinf oʻquvchilarini “Prezident sovgʻasi” va oʻquvchilar soniga mos ravishda toʻliq darsliklar bilan taʼminlash ishlari olib boriladi.
Shuningdek, yangi qabul qilingan va maktabdan ketgan oʻquvchilar hisobini olgan holda sinflarni komplektlash, sinflar sonidan kelib chiqib oʻquv reja, dars soatlari taqsimoti (tarifikatsiya), oʻqituvchilar bilan taʼminlash ishlarini olib borish jarayonlari ham boshlanadi.
Shundan kelib chiqqan holda, vazirlik maʼlum bir sabablarga koʻra farzandini bir maktabdan boshqasiga oʻtkazishga qaror qilgan ota-onalardan imkon qadar bu ishni tezroq amalga oshirishini soʻramoqda.
“Bu bilan xalq taʼlimi tizimi masʼullariga yakuniy hisob-kitobni qilib, zarur holatlarda darsliklarni qayta taqsimotini oʻz vaqtida amalga oshirishga yordam bergan boʻlasiz”, deyiladi xabarda.
Eslatib oʻtamiz, ota-onalarning va keng jamoatchilikning fikr-mulohazalari, takliflari asosida yagona maktab formasi talabi yangi oʻquv yilidan tatbiq etilmaydi.
Yangiliklar lentasi
0