Jamiyat

Katta tanaffus: oʻzbekistonlik maktab oʻquvchilari “Artek”dan qaytishdi

© SputnikShkolniki iz Uzbekistana sʼyezdili v "Artek"
Shkolniki iz Uzbekistana sʼyezdili v Artek - Sputnik Oʻzbekiston, 1920, 11.08.2022
Obuna boʻlish
NovostiTelegram
Oʻzbekistonlik maktab oʻquvchilari “Katta tanaffus” dasturida ishtirok etib, afsonaviy “Artek”dan qaytib kelishdi. Ishtirokchilar oʻz taassurotlari haqida Sputnik muxbiriga soʻzlab berishdi.
TOSHKENT, 11 avg - Sputnik. “Katta tanaffus” - rossiyalik maktab oʻquvchilari va talabalar, shuningdek, rus tilida soʻzlashuvchi xorijliklar uchun keng miqyosdagi dastur. Bu yili unda Oʻzbekistondan ham maktab oʻquvchilari ishtirok etishdi. Sputnik muxbirining xabar berishicha, iyul oyida sakkiz nafar oʻquvchi Qrimdagi mashhur “Artek” oromgohiga borishgan.
U yerda yoshlar uch hafta boʻlib qaytishdi va Toshkentdagi “Russkiy dom” da boʻlib oʻtgan matbuot anjumanida oʻz taassurotlari haqida soʻzlab berishdi
“Ushbu loyiha- “Rossotrudnichestvo” va “Katta tanaffus” qoʻshma loyihasi. Biz “Salom, Rossiya” dasturi liniyasi doirasida bolalarning Moskvaga borish va qaytish parvozlarini taʼminladik. “Katta tanaffus” esa “Artek” oromgohidagi faoliyat uchun masʼul boʻlgan”- deydi Toshkentdagi “Russkiy dom” vakolatxonasi rahbari Mixail Vojdayev.

Xalqaro muloqot tili

Yoshlarning aytishlaricha, ular “Artek”ka uch sutka davomida yetib borishgan. Sayohat ular uchun maroqli oʻtgan. Moskvada ular uchun ekskursiyalar tashkillashtirilgan: Qizil maydon, “Zaryadye” parki va yana bir qancha diqqatga sazovor joylarida boʻlishgan.
Keyin esa Qrimga yoʻl olishgan.
“Artek”ka ketayotgan poyezdda biz bilan boshqa mamlakatlardan - Polsha, Portugaliya, Turkiya, Misr, Kanadadan kelgan yoshlar ham bor edi”, - deydi Angelina Nosova.
Angelina Nosova “Katta tanaffus sayyorasi” tanlovining qoʻshimcha saralash tanlovida gʻolib boʻlgan. Angelina xalqaro trek finali doirasida “Katta tanaffus” profil xalqaro smenasida ishtirok etgan. Shuning uchun “Artek” ka yoʻllanma unga mukofot boʻlgan.

Noodatiy bolalar oromgohi

Artek - koʻpchilik oʻylagandek oddiy bolalar oromgohi emas. Artek - bu xalqaro bolalar markazi boʻlib, unda yoshlar turli loyihalar ustida ish olib borishadi.
Masalan, “Katta tanaffus” gʻolibalaridan biri Ilhamiya Fattohova yangi doʻstlari bilan Doʻstlik kuniga bagʻishlangan rolik yaratgan. Artekda Doʻstlik kuni 10 yildan buyon nishonlanadi.
“Biz Oleg Gazmanovning doʻstlik haqidagi qoʻshigʻini ijro etib rolik suratga oldik. Qoʻshiqni oʻnta tilda quyladik Qoʻshiq “Artek” madhiyasiga aylangan”, - deydi u.
Oromgohda oʻtkazilgan uch hafta mobaynida oʻquvchilar tajriba, yangi koʻnikmalarga ega boʻlishgan, oʻzlarini turli rollarda, masalan, didjey, muhandis-konstruktor yoki aykido boʻyicha murabbiy rolida sinab koʻrishgan.
Bundan tashqari, bolalar turli mahorat darslarida ishtirok etishgan, hatto Olimpiya chempionlari bilan uchrashishgan. Masalan, aralash yakkurash boʻyicha sport ustasi Sergey Xaritonov bilan uchrashuv ham boʻlgan.
“Artek” ning ajoyib anʼanasi ham bor. Smena tugaganda bolalar xayrlashuv tariqasida bir-birlarining boʻyinlariga bogʻich bogʻlashadi.
“Bogʻich qachonlardir yana bir bor uchrashishimizni bildiradi. Bu bogʻich bizni bogʻlab turadi va uchrashuv albatta sodir boʻladi”, - deydi Lyaysan Israfilova.

Bepul taʼlim

Kuzda bolalar 11 sinfda oʻqishni davom ettirishadi. Ammo ularning barchasida bir yildan soʻng oʻqishni qayerda davom ettirishni bilishadi. Katta ehtimol bilan bu Rossiya OTMlaridan biri boʻladi, chunki koʻrik-tanlovdagi gʻalaba bepul taʼlim olish imkoniyatini ham beradi. Gʻalabaga erishmagan ishtirokchilar uchun esa OTMga qirishda qoʻshimcha ballar beriladi.
Krim tabiatidan katta taassurotlar bilan qaytgan bolalarning soʻzlariga koʻra, ular Sevastopol, harbiy-dengiz floti muzeyi hamda Malaxov qoʻrgʻoniga ham tashrif buyurishgan.
“Katta tanaffus” loyihasi boshlanganiga koʻp boʻlmadi va hozir Rossiyada ommalashmoqda. Bu xalqaro smena uchun birinchi tajriba boʻldi. Albatta davom etamiz, chunki hammasi yaxshi oʻtdi”,- deydi Vojdayev.
Yangiliklar lentasi
0