Iqtisod

Kripto-aktivlar aylanmasi yangi tartibda amalga oshiriladi - tafsilotlar

© Sputnik / Aleksey Filippov / Mediabankka oʻtishEkran, transliruyuщiy birjevыe grafiki i diagrammы
Ekran, transliruyuщiy birjevыe grafiki i diagrammы - Sputnik Oʻzbekiston, 1920, 12.08.2022
Obuna boʻlish
NovostiTelegram
2023 yildan boshlab kripto-aktivlarni sotish va sotib olish operatsiyalari faqat milliy provayderlar orqali amalga oshiriladi.
TOSHKENT, 12 avg — Sputnik. Oʻzbekistonda 2023 yil 1 yanvardan boshlab kripto-aktivlarni sotib olish, sotish yoki ayirboshlash boʻyicha operatsiyalarni faqat milliy provayderlar orqali amalga oshiriladi. Bu haqida Istiqbolli loyihalar milliy agentligi xabar berdi.
Qayd etilishicha, internet tarmogʻidagi axborot resurslarini monitoring qilish jarayonida Oʻzbekiston fuqarolariga kripto-aktivlar boʻyicha xizmatlar koʻrsatuvchi, mamlakat hududida xizmatlar provayderlari faoliyatini amalga oshirish uchun tegishli litsenziyaga ega boʻlmagan turli elektron platformalar faolligi oshib borayotgani aniqlangan.
Mazkur platformalar qonun hujjatlarida belgilangan tartibda serverlarini oʻrnatilishini koʻzda tutmagan holda fuqarolarning shaxsiy maʼlumotlarini soʻrab olishmoqda.
Shu bilan birga, ular kripto-aktivlar bilan operatsiyalarni amalga oshirish uchun hech qanday yuridik javobgarlikni oʻz zimmalariga olmaydilar, tranzaktsiyalarning qonuniyligini, shuningdek, fuqarolarning shaxsiy maʼlumotlarini toʻgʻri saqlanishi va maxfiyligini kafolatlay olmaydilar.
“Yuqoridagilarni inobatga olgan holda, xizmatlar provayderlari litsenziyasiga ega boʻlmagan elektron platformalar (kripto-birjalar va elektron ayirboshlash maydonchalari)dan foydalanish belgilangan tartibda cheklandi”, deyiladi xabarda.
Agentlik fuqarolardan imkon qadar hushyor boʻlishlariga, litsenziyaga ega boʻlmagan elektron platformalar xizmatlaridan foydalanmaslikka chaqirmoqda.
Xabarda shuningdek, kripto-aktivlar bilan bogʻliq savdolarini amalga oshirayotgan kompaniyalar haqida maʼlumotga ega boʻlgan fuqarolardan tegishli maʼlumotlarni fraud@napm.uz elektron manziliga yuborish soʻralgan.
Yangiliklar lentasi
0