Dunyoda

“Tolibon”* davrida giyohvand moddalar oqimi kuchaydi – Rossiya TIV

© Sputnik / StringerTalibы* 203-go armeyskogo korpusa «Mansuri» v afganskoy provintsii Xost
Talibы* 203-go armeyskogo korpusa «Mansuri» v afganskoy provintsii Xost - Sputnik Oʻzbekiston, 1920, 17.08.2022
Obuna boʻlish
NovostiTelegram
2022 yilning birinchi choragida Tojikistonda oʻtgan yilning shu davriga nisbatan 14,5 barobar koʻp afgʻon narkotiklari musodara qilingan.
TOSHKENT, 17 avg — Sputnik. “Tolibon”* harakatining Afgʻonistonda giyohvand moddalar ishlab chiqarishga qarshi kurashish niyatiga qaramay, ular hokimiyat tepasiga kelganidan soʻng Markaziy Osiyo mamlakatlariga “shimoliy yoʻl” boʻylab giyohvand moddalar oqimi sezilarli darajada oshdi. Bu haqda Rossiya Tashqi ishlar vazirligi Yangi chaqiriq va tahdidlar departamenti direktori Vladimir Tarabrin RIA Novosti agentligiga maʼlum qildi.

“Tolibon”* harakati 2021 yil avgust oyida hokimiyatga kelganidan keyin narkotiklarga qarshi kurash rejalarini eʼlon qildi. 2022 yil 3 aprelda yangi hokimiyat organlari koʻknori yetishtirish, shuningdek, barcha turdagi giyohvand moddalarni ishlab chiqarish va savdosi taqiqlanganini eʼlon qildi. Biroq, aprel oyining ikkinchi yarmida mamlakat janubida koʻknori yigʻish va keyinchalik uni tashish uchun toʻsiq boʻlmadi. Shu bilan birga, “shimoliy yoʻnalish” boʻylab giyohvand moddalar savdosining sezilarli oʻsishi qayd etilgan”, - dedi Tarabrin.

Uning soʻzlariga koʻra, 2022 yilning birinchi choragida Tojikistonda oʻtgan yilning shu davriga nisbatan 14,5 barobar koʻp afgʻon narkotiklari musodara qilingan.

“BMTning Narkotiklar va jinoyatchilik boʻyicha boshqarmasi hisob-kitoblariga koʻra, 2021 yilda Afgʻonistonda 6800 tonnaga yaqin opiy ekvivalenti ishlab chiqarilgan, giyohvand moddalardan tushgan daromadlar hajmi mamlakat yalpi ichki mahsulotining 14 foiziga yetgan”, - dedi Tarabrin.

Toliblarning Afgʻoniston hukumatini egallab olishi

Avgust oyi oʻrtalarida "Tolibon"* aʼzolari mamlakat poytaxti Kobulga bostirib kirib, prezident saroyini egallab olishdi.
31 avgustga oʻtar kechasi AQSH harbiylari Kobul aeroportini batamom tark etishdi va bu bilan Afgʻonistondagi qariyb 20 yillik amerika kampaniyasi oʻz yakuniga yetdi.
Toliblar Afgʻonistonning muvaqqat hukumati tarkibini eʼlon qildi.
Muvaqqat hukumatni "Tolibon"* birinchi bor hukumat tepasiga kelganida TIV rahbari kursisini egallagan va hozirga qadar BMT sanktsiyalari ostida qolib kelayotgan Muhammad Hasan Oxund boshqarishi maʼlum boʻldi.
*Tashkilot terrorchilik faoliyati uchun BMT sanktsiyalari ostida.

Mavzuga oid:

Toliblar butun Afgʻoniston hududi boʻylab koʻknori yetishtirishni taqiqlashdi
Afgʻonistonda giyohvandlarning rekord soni qayd etildi
Oʻzbekiston bojxonachilari katta partiyadagi afgʻon narkotiklari tranzitini oldini olishdi
Yangiliklar lentasi
0