Siyosat

Shavkat Mirziyoyev Turkiya prezidentiga taʼziya bildirdi

© AFP 2022 / OZAN KOSEFlag Turtsii
Flag Turtsii - Sputnik Oʻzbekiston, 1920, 21.08.2022
Obuna boʻlish
NovostiTelegram
Turkiyada roʻy bergan ikkita yirik avariya oqibatida oʻnlab kishilar halok boʻldi.
TOSHKENT, 21 avg — Sputnik. Oʻzbekiston prezidenti Shavkat Mirziyoyev Turkiyaning Mardin va Gaziantep provintsiyalarida yuz bergan yoʻl harakati hodisalari oqibatida koʻplab insonlar qurbon boʻlgani munosabati bilan prezident Rejep Tayyip Erdogʻanga taʼziya maktubi yoʻlladi. Bu haqda prezident matbuot kotibi maʼlum qildi.
“Davlatimiz rahbari marhumlarning oila aʼzolari va yaqinlariga hamdardlik bildirdi, jarohatlanganlar tezda sogʻayib ketishini tiladi”, - deyiladi xabarda.
Turkiya janubida avtobus toʻxtab turgan tez yordam mashinasi, oʻt oʻchirish mashinasi va “Ihlas” axborot agentligi avtomobiliga kelib urildi. Ular ilgari roʻy bergan YTH joyida turishgandi. Avariya 16 kishining umriga zomin boʻldi, yana 22 kishi jabrlandi.
Keyinroq Mardin provintsiyasida yuk mashinasi tormoz ishlamay qolgani sabab olomonni bosib ketdi. Natijada 19 kishi halok boʻldi.
Yangiliklar lentasi
0