Jamiyat

Toshkentda yopilgan 21-sonli mehribonlik uyi binosi XTV balansida qoladi - Milliy gvardiya

© Oʻzbekiston Milliy gvardiyasiToshkentda yopilgan 21-sonli mehribonlik uyi binosi XTV balansida qoladi - Milliy gvardiya
Toshkentda yopilgan 21-sonli mehribonlik uyi binosi XTV balansida qoladi - Milliy gvardiya - Sputnik Oʻzbekiston, 1920, 24.08.2022
Obuna boʻlish
NovostiTelegram
Ilgari yopilgan barcha taʼlim-tarbiya muassasalari Xalq taʼlimi vazirligi balansida qoladi va ulardan faqat bolalar manfaatlarini koʻzlab foydalaniladi.
TOSHKENT, 24 avg — Sputnik. Toshkentdagi 21-sonli “Mehribonlik” uyi binosi va hududi Xalq taʼlimi vazirligi balansida qoladi. Bu haqida Oʻzbekiston Milliy gvardiyasiga qarashli Mehribonlik.uz saytida maʼlum qilindi.
Ijtimoiy tarmoqlarda yopilgan “Mehribonlik” uyi hududining obodonlashtirishga berilishi haqida xabarlar tarqaldi.
Aytilishicha, ilgari yopilgan barcha taʼlim-tarbiya muassasalari Xalq taʼlimi vazirligi balansida qoladi va ulardan faqat bolalar manfaatlarini koʻzlab foydalaniladi.
“21-sonli “Mehribonlik” uyi binosi va hududi Oʻzbekiston Respublikasi Xalq taʼlimi vazirligi balansida qoladi. Bu yerda bolalar muassasasi ham boʻladi. Uning turi va maqomi endilikda Xalq taʼlimi vazirligi tomonidan belgilanadi. Bu yaqin kunlarda maʼlum boʻladi”, deyiladi xabarda.
Avvalroq respublikada 13 ta “Mehribonlik” uyi, 4 ta bolalar shaharchasi va 2 ta “Mehribonlik” uyi ("Bolalar uyi") yopilgan edi.
Ixtisoslashtirilgan maktab-internatlar ilgari “Mehribonlik” uylariga qarashli boʻlgan 6 ta obʼyektda joylashgan:
Qoʻqon shahridagi sobiq 12-sonli “Mehribonlik” uyi binosida koʻzi ojiz bolalar uchun ixtisoslashtirilgan maktab-internati faoliyat koʻrsatmoqda.
Margʻilon shahrida 1-sonli “Mehribonlik” uyi oʻrnida eshitish qobiliyati past va kar bolalar uchun ixtisoslashtirilgan maktab-internati foydalanishga topshirildi.
Qolgan 4 ta “Mehribonlik” uyida, shuningdek, Andijon viloyatidagi bolalar shaharchasida qanday bolalar muassasalari ochilishi boʻyicha qarorlar qabul qilinmoqda.
4 ta yopiq bolalar shaharchasidan 2 tasida ixtisoslashtirilgan maktab-internatlari ham tashkil etiladi. Navoiy viloyatidagi bolalar shaharchasida esa Prezident maktabining filiali ochiladi.
Maʼlumot uchun, Guliston shahrida uning oʻrnida imkoniyati cheklangan bolalar uchun tibbiy reabilitatsiya markazi ochildi. Fargʻona shahrida – Bolalar davolash-reabilitatsiya markazi ish boshladi.
Yangiliklar lentasi
0