Jamiyat

Mirishkorlik Arabboy Xosiyatov 65 yoshda talaba boʻldi

© Mirishkor tumani hokimligi matbuot xizmatiArabboy Xosiyatov
Arabboy Xosiyatov - Sputnik Oʻzbekiston, 1920, 29.08.2022
Obuna boʻlish
NovostiTelegram
Arabboy Xosiyatov Chirchiq davlat pedagogika institutining ijtimoiy ish yoʻnalishiga oʻqishga kirgan.
TOSHKENT, 29 avg — Sputnik. Mirishkor tuman Mahalla va nuroniylarni qoʻllab-quvvatlash boʻlimi boshligʻining nuroniylar masalalari boʻyicha maslahatchisi Arabboy Xosiyatov 65 yoshda talaba boʻldi. Bu haqda tuman hokimligi matbuot xizmati xabar berdi.
Qayd etilishicha, Arabboy Xosiyatov Chirchiq davlat pedagogika institutining ijtimoiy ish (fuqarolarning oʻz-oʻzini boshqarish organlari) yoʻnalishiga talabalikka tavsiya etilgan.
2022 yilda OTMlarga kirish uchun jami 1 mln 214 ming 232 nafar abituriyent hujjat topshirdi. Ularning 67 foizi avvalgi yillar bitiruvchilari hisoblanadi. Abituriyentlarning yarmidan koʻpi kunduzgi taʼlimni, 8,3 ming nafari esa masofaviy taʼlimni tanlagan.
Eng koʻp hujjat Qashqadaryo va Samarqand viloyatidan, eng kami esa Sirdaryo viloyatidan topshirilgan.
Xalq taʼlim vazirligi bergan maʼlumotlarga koʻra, 2022 yilgi test sinovlarida ishtirok etgan jami abituriyentlarning 386 523 nafar yoki 24 %i joriy yilgi maktab bitiruvchilarini tashkil etadi. 810 mingdan ortiq yoki 76 % abituriyentlar kasb-hunar maktablari, akademik litseylar bitiruvchilari va eng asosiy qismi oldingi yillar davomida oliy taʼlim muassasalariga qabul qilinmagan yoshlardan iborat.
Eslatib oʻtamiz, 2022/2023 oʻquv yili uchun oliy taʼlim muassasalarining bakalavriat taʼlim yoʻnalishlariga kirish test sinovlari boʻyicha tanlov natijalari eʼlon qilindi. Tanlov natijalarini 6 xil usulda bilish mumkin.
5 sentyabrdan boshlab barcha bosqich talabalari (bakalavr, magistr, superkontrakt) toʻlov-shartnomani onlayn yuklab, toʻlovni amalga oshirishlari mumkin.
Yangiliklar lentasi
0