Jamiyat

“Saxovat” va “Muruvvat” internat uylari Davlat bojxona qoʻmitasiga biriktiriladi

© Sputnik / Aleksey Drujinin / Mediabankka oʻtishInvalidы-veteranы Velikoy Otechestvennoy voynы
Invalidы-veteranы Velikoy Otechestvennoy voynы - Sputnik Oʻzbekiston, 1920, 31.08.2022
Obuna boʻlish
NovostiTelegram
Keksalar va nogironligi boʻlgan shaxslar protez-ortopediya buyumlari, reabilitatsiya vositalari bilan taʼminlanadi.
TOSHKENT, 31 avg — Sputnik. “Saxovat” va “Muruvvat” internat uylari hamda Urush va mehnat faxriylari uchun respublika pansionati Davlat bojxona qoʻmitasiga biriktiriladi. Bu haqida 30 avgust kuni prezident tomonidan qabul qilingan qarorda nazarda tutilgan.
Hujjatga koʻra, Davlat bojxona qoʻmitasiga Tibbiy-ijtimoiy xizmatlarni rivojlantirish agentligiga moddiy-texnika bazasini mustahkamlash, zamonaviy usullar va ijtimoiy texnologiyalarni joriy etishda doimiy asosda koʻmaklashish topshirildi.
Keksalar va nogironligi boʻlgan shaxslarni protez-ortopediya buyumlari, reabilitatsiya vositalari bilan taʼminlash, shuningdek, ularning intellektual, jismoniy va ijodiy qobiliyatlarini rivojlantirish rejalashtirilgan.
2023-2024 yillarda “Saxovat” va “Muruvvat” internat uylarining hududida videokuzatuv moslamalari oʻrnatiladi.
2022 yil 1 oktyabrdan boshlab “Saxovat” va “Muruvvat” internat uylaridagi tarbiyachilarni har yili kamida bir marotaba malaka oshirish kurslarida oʻqitish tartibi joriy etiladi.
Qolaversa, 2023 yil 1 iyunga qadar ruhiy va jismoniy rivojlanishida kamchiligi boʻlgan shaxslarning zamonaviy abilitatsiya va reabilitatsiya muolajalaridan oʻtishi uchun “Saxovat” va “Muruvvat” internat uylari negizida zarur texnologik sharoitlar yaratiladi.
Yangiliklar lentasi
0