Rossiya

Rossiyada maymun chechagiga qarshi zamonaviy vaktsina yaratildi

© Pexels / Artem PodrezAmpula s vaktsinoy, illyustrativnoye foto
Ampula s vaktsinoy, illyustrativnoye foto - Sputnik Oʻzbekiston, 1920, 06.09.2022
Obuna boʻlish
NovostiTelegram
Rossiyaning Federal tibbiyot-biologik agentligi ishlab chiqqan vaktsinaning klinikoldi tadqiqotlari oʻtkazilmoqda.
TOSHKENT, 6 sen — Sputnik. Rossiyaning Federal tibbiy-biologik agentligi (FMBA) maymun chechagiga qarshi zamonaviy vaktsinani ishlab chiqdi. Bu haqda agentlik rahbari Veronika Skvortsova maʼlum qildi.
“Hozir maymun chechagiga qarshi zamonaviy vektorli vaktsina ishlab chiqilgan, hozir uning klinikoldi tadqiqotlari oʻtkazilmoqda”, - dedi Skortsova Sharqiy iqtisodiy forumning “Dori-darmon xavfsizligi" sessiyasida. Uning soʻzlaridan RIA Novosti iqtibos keltirgan.
Dastlabki klinik tadqiqotlariga koʻra, vaktsina yuqori imunnogenlikka ega va xavfsiz. Jiddiy nojoʻya taʼsirlari yoʻq.
Eslatib oʻtamiz, avvalroq Rossiya Oʻzbekistonga “Vektor” markazi ishlab chiqqan maymun chechagini aniqlaydigan testlarni yuborgani xabar qilingan edi.
Oʻzbekistonda maymun chechagi kasalligi qayd etilmagan. Kasallikning respublika hududiga kirib kelishi va tarqalishining oldini olish maqsadida “Maymun chechagi uslubiy qoʻllanmasi” loyihasi tayyorlangan. Respublika chegara-bojxona postlarida sanitariya-karantin punktlarining ish faoliyati kuchaytirilgan.
Maymun chechagi kamdan-kam uchraydigan virusli infektsiya boʻlib, u odamlar orasida ham yuqadi. Bu odatda yengil holat boʻlib, koʻpchilik bir necha hafta ichida tuzalib ketadi, ammo baʼzilarida asoratlar paydo boʻlishi mumkin. Maymun chechagining dastlabki belgilariga isitma, bosh ogʻrigʻi, mushak ogʻrigʻi, bel ogʻrigʻi, shishgan limfa tugunlari, titroq va charchoq kiradi. Koʻpincha yuzdan boshlanib, keyin tananing boshqa qismlariga tarqaladigan toshma paydo boʻlishi mumkin.
Yangiliklar lentasi
0