Jamiyat

Yagona portalda transport bilan bogʻliq xizmatlarda uzilishlar yuzaga kelmoqda

© SputnikDorojnыe znaki
Dorojnыe znaki - Sputnik Oʻzbekiston, 1920, 06.09.2022
Obuna boʻlish
NovostiTelegram
Hozirda yuzaga kelayotgan muammolarni bartaraf etish boʻyicha Ichki ishlar vazirligi mutaxassislari tomonidan zarur chora-tadbirlar amalga oshirilmoqda.
TOSHKENT, 6 sen — Sputnik. Yagona interaktiv davlat xizmatlari portalida avtomototransport vositalari bilan bogʻliq xizmatlarda uzilishlar yuzaga kelmoqda.
Avtomototransport vositalariga oid quyidagi hizmatlarda uzilishlar kuzatilmoqda:
Eski namunadagi milliy haydovchilik guvohnomalarini yangisiga almashtirish;
Avtotransport oynalarining tusini oʻzgartirishga ruxsatnoma olish;
Avtotransport boshqaruvi uchun jismoniy shaxslarga elektron ishonchnoma berish.
Qayd etilishicha, mazkur uzilishlar IIV Jamoat xavfsizligi departamenti Yoʻl harakati xavfsizligi xizmatining “Avtomototransport hisobi” va "Haydovchilik guvohnomasi" axborot tizimlari yangi “Yagona avtomatlashtirilgan axborot tizimi”ga oʻtayotganligi munosabati bilan kuzatilmoqda.
Hozirda yuzaga kelayotgan muammolarni bartaraf etish boʻyicha Ichki ishlar vazirligi mutaxassislari tomonidan zarur chora-tadbirlar amalga oshirilmoqda.
Eslatib oʻtamiz, Oʻzbekistonda eski haydovchilik guvohnomasini almashtirish muddati 2023 yilgacha uzaytirilgan.
Adliya vazirligi haydovchilik guvohnomasini masofadan almashtirishni yoʻlga qoʻyilishni rejalashtirgan. Onlayn tartib joriy etilsa, xaydovchilarning davlat xizmatlari markaziga kelishi shart boʻlmaydi. Bu faqat elektron ravishda amalga oshiriladi. Tayyor guvohnoma esa pochta orqali yetkazib beriladi.
Shuningdek, 1 sentyabrdan boshlab avtomobillarni boshqarish huquqini beruvchi ishonchnomalarni Yagona interaktiv davlat xizmatlari portali orqali elektron shaklda rasmiylashtirish imkoniyati yaratildi. 2024 yil oxiriga qadar yoʻlovchilarni yengil avtotransport vositalarida tashish faoliyati oʻzini oʻzi band qilgan shaxslar shugʻullanishi mumkin boʻlgan faoliyat turlari roʻyxatiga kiritilmoqda.
Yangiliklar lentasi
0