Jamiyat

Bir guruh davlat xizmatchilari Milliy kadrlar zaxirasiga tanlab olindi

© Sputnik / Sergey Guneyev / Mediabankka oʻtishKorporativnыy stil
Korporativnыy stil - Sputnik Oʻzbekiston, 1920, 07.09.2022
Obuna boʻlish
NovostiTelegram
Milliy kadrlar zaxirasiga olinganlar uchun qoʻshimcha oʻquv dasturlari vazirlik va idoralarda amaliyot, xorijiy stajirovka tashkil etiladi.
TOSHKENT, 7 sen — Sputnik. Hududlarda maxsus tashkil qilingan komissiya tanlovi natijasida 761 nafar nomzod Milliy kadrlar zaxirasiga olindi, deb xabar qilmoqda Davlat xizmatini rivojlantirish agentligi.
Xabarda aytilishiga koʻra, 761 nafar nomzod kelajakda 246ta lavozimda ishlash uchun rejalashtirilgan. Har bir lavozimga oʻrtacha 3 nafardan nomzod.
Agentlik tomonidan tanlab olingan nomzodlar uchun masofaviy kurslar, vazirlik va idoralarda amaliyotlar oʻtkazish hamda xorijiy stajirovka tashkil etish rejalashtirilgan.

Milliy kadrlar zaxirasi tashkil qilishdan maqsad — rahbarlikka tasodifan kelib qolishning oldini olish, milliy, respublika, tarmoq va hududiy darajalarda professional tayyorlangan samarali rahbar kadrlar zaxirasini shakllantirish, deyilgan xabarda.

Milliy kadrlar zaxirasiga kadrlar tanlashda hududlarda maxsus tashkil qilingan komissiyalar tomonidan 3 bosqichda boʻlib oʻtgan. Dastlab 2500 nafar davlat xizmatchilarining belgilangan malaka talablariga mosligi oʻrganib chiqildi.
Shundan soʻng malaka talablariga mos kelgan nomzodlarning bilimi va intellektual salohiyati, shuningdek, shaxsiy sifatlari hamda psixologik holatini aniqlashga qaratilgan test sinovlari oʻtkazildi.
Soʻnggi bosqichda, nomzodlarning kompetentsiyalarini baholash maqsadida hududiy komissiyalar va ishchi guruh ishtirokida 1 300 dan ortiq nomzod bilan suhbatlar tashkil etildi, deyiladi xabarda.
Xabarda aytilishiga koʻra, Milliy kadrlar zaxirasi davlat fuqarolik xizmatida rahbar kadrlar tarkibining barqarorligi va sifatini taʼminlash, davlat fuqarolik xizmatchisining kasbiy kompetentsiyalarini oshirish hamda xizmatchilarni lavozim boʻyicha koʻtarish uchun xizmat qiladi.
Yangiliklar lentasi
0