Jamiyat

Oʻzbekiston “World Construction Championship” qurilish chempionatida ishtirok etadi

© Sputnik / Maksim Bogodvid / Mediabankka oʻtishPodgotovka k otkrыtiyu chempionata WorldSkills Kazan
Podgotovka k otkrыtiyu chempionata WorldSkills Kazan - Sputnik Oʻzbekiston, 1920, 07.09.2022
Obuna boʻlish
NovostiTelegram
U Rossiya va Yevroosiyo iqtisodiy ittifoqi mamlakatlarining qurilish va uy-joy kommunal xoʻjaligi sohasidagi iqtisodiy integratsiyasini kengaytirish maqsadida oʻtkazilmoqda
TOSHKENT, 7 sen — Sputnik. 7 oktyabr kuni Qozonda (Tatariston) II Xalqaro qurilish chempionati (World Construction Championship) doirasida qurilishga oid hamkorlik boʻyicha hukumatlararo kengashning majlisi boʻlib oʻtadi.
Bu haqda Sputnik muxbiriga II Xalqaro qurilish chempionati tashkilot qoʻmitasi maʼlum qildi.
Majlisda MDHga aʼzo mamlakatlar - Rossiya, Armaniston, Ozarbayjon, Belarus, Qozogʻiston, Qirgʻiston, Tojikiston, Turkmaniston – qurilish vazirliklari va idoralari rahbari hamda MDH Ijroiya qoʻmitasi vakillari qatnashishadi.
Unda qurilishning dolzarb muammolari, jumladan, qurilish sohasi strategiyasini rivojlantirish va soha narx belgilanishi tizimini takomillashtirish, YEOIIning “Qurilish materiallari va mahsulotlarini xavfsizligi toʻgʻrisidagi” texnik reglamenti loyihasini ishlab chiqish bilan bogʻliq masalalarni koʻrib chiqish rejalashtirilgan.
Sanoat sohasidagi II Xalqaro professional mohirlik chempionati (World Construction Championship) Rossiya va Yevroosiyo iqtisodiy ittifoqi mamlakatlarining qurilish va uy-joy kommunal xoʻjaligi sohasidagi iqtisodiy integratsiyasini kengaytirish maqsadida oʻtkazilmoqda.
Bu yilgi chempionatda 27 ta mamlakat vakillari ishtirok etishadi.
Chempionat gʻoliblari asosiy mukofotdan tashqari Rossiya boʻylab sayohat qilish imkoniyatiga ega boʻlishadi. Bu “Rossiya — strana vozmojnostey” (Rossiya – imkoniyatlar mamlakati) muxtor notijorat tashkilotning maxsus mukofoti.
Tadbir 2020 yil fevralida Rossiya Qurilish vazirligi va “Rosatom” davlat korporatsiyasi tomonidan taʼsis etilgan. Birinchi chempionat 2021 yili Sochida boʻlib oʻtgan.
Yangiliklar lentasi
0