Iqtisod

Oʻzbekiston va Turkmaniston hamkorlikda avtomobil ishlab chiqarishni muhokama qildi

© Depositphotos / MiflippoElektromobil na podzaryadke
Elektromobil na podzaryadke - Sputnik Oʻzbekiston, 1920, 09.09.2022
Obuna boʻlish
NovostiTelegram
Ikki davlat bosh vazirlari oʻrinbosarlari transport-logistika aloqalarini kengaytirish masalalarini ham koʻrib chiqishdi.
TOSHKENT, 9 sen — Sputnik. Investitsiyalar va tashqi savdo vaziri Jamshid Xoʻjayev va Turkmaniston Bosh vaziri oʻrinbosari Botir Atdayev Toshkentda avtomobil va boshqa texnika vositalarini hamkorlikda ishlab chiqarishni tashkil etish masalalarini muhokama qildi. Bu haqida “RIA Novosti” xabar berdi.
Uchrashuv davomida tomonlar Turkmaniston va Oʻzbekiston oʻrtasida 2022-2025 yillarga moʻljallangan savdo-iqtisodiy hamkorlik va sanoat kooperatsiyasini rivojlantirish dasturini amalga oshirish istiqbollarini koʻrib chiqishdi.
Bundan tashqari, bosh vazir oʻrinbosarlari joriy yil oxirigacha savdo-iqtisodiy, ilmiy-texnikaviy va madaniy hamkorlik boʻyicha Turkmaniston-Oʻzbekiston qoʻshma hukumatlararo komissiyasining navbatdagi 17- majlisini oʻtkazish imkoniyatlarini muhokama qilishdi.
“Bundan tashqari, tomonlar Turkmanistonda birgalikda avtomobillar, qishloq xoʻjaligi texnikasi va maishiy texnika ishlab chiqarishga qiziqish bildirdi”, deyiladi xabarda.
Ikki davlat vakillari transport-logistika aloqalarini kengaytirish, jumladan, ikki davlat hududi orqali yuklar tranzitini ragʻbatlantirish, dengiz portlari imkoniyatlaridan foydalangan holda xalqaro transport yoʻlaklari boʻylab tajriba-sinov tashishni tashkil etish masalalarini ham koʻrib chiqishdi.
Yangiliklar lentasi
0