Jamiyat

Bugun kollej va texnikumlarga qabul yakunlanadi

© SputnikAbituriyent podayet dokumentы v NIYAU "MIFI"
Abituriyent podayet dokumentы v NIYAU MIFI - Sputnik Oʻzbekiston, 1920, 10.09.2022
Obuna boʻlish
NovostiTelegram
DTMning eslatishicha, bugun (10 sentyabr) professional taʼlim muassasalariga abituriyentlarni onlayn roʻyxatga olishning soʻnggi kuni hisoblanadi.
TOSHKENT, 10 sen - Sputnik. Bugun professional taʼlim muassasalari (kollej va texnikumlar)ga abituriyentlarni onlayn roʻyxatga olish yakunlanadi. Bu haqda Davlat test markazi matbuot xizmati xabar berdi.
11 avgust kuni kollej va texnikumlarga abituriyentlarni onlayn roʻyxatga olish boshlangan. Abituriyentlarni roʻyxatga olish Davlat test markazining my.dtm.uz saytida “Professional taʼlim muassasalariga qabul” boʻlimi orqali amalga oshirilmoqda.

“Bugun (10 sentyabr) professional taʼlim muassasalariga abituriyentlarni onlayn roʻyxatga olishning soʻnggi kuni hisoblanadi. Shu sababli professional taʼlim muassasalarida tahsil olish istagini bildirgan abituriyentlar bugun 23:59 ga qadar roʻyxatdan oʻtishlari mumkinligini eslatib oʻtamiz”, - deyiladi xabarda.

Eslatib oʻtamiz, 2022/2023 oʻquv yilida kollej va texnikumlarga kunduzgi, kechki, sirtqi va dual taʼlim shakllari boʻyicha jami 139 638 ta qabul kvotasi tasdiqlangan. Shundan 149 ta kollej uchun — 59 ming 460 ta, 194 ta texnikum uchun — 80 ming 178 ta qabul ajratildi.
Yangiliklar lentasi
0