Rossiya Afg‘onistondagi elchixonasini evakuatsiya qilishni rejalashtirmayapti – Rossiya TIV

© Foto : Posolstvo Rossii v AfganistanePosolstvo Rossii v Kabule
Posolstvo Rossii v Kabule - Sputnik O‘zbekiston, 1920, 12.09.2022
Obuna bo‘lish
Hozirda Rossiya elchixonasi Afg‘oniston xavfsizlik xizmatlari bilan yaqin aloqada bo‘lib, portlash bo‘yicha tergov olib bormoqda.
TOShKENT, 12 sen — Sputnik. Moskva Rossiyaning Afg‘onistondagi elchixonasini hujumdan keyin evakuatsiya qilishni rejalashtirmayapti. Bu haqda Rossiya prezidentining Afg‘oniston bo‘yicha maxsus vakili, Rossiya TIV Osiyo bo‘yicha ikkinchi departamenti direktori Zamir Kabulov ma’lum qildi.
“Bunday narsa haqida hayolga ham kelmagan. Va kelmaydi ham”, dedi Kabulov elchixona ishini muzlatish va xodimlarni evakuatsiya qilish ehtimoli haqidagi savolga javob berar ekan.
Portlash 5-sentabr kuni ertalab Rossiyaning Kobuldagi elchixonasi konsullik bo‘limi binosi yaqinida sodir bo‘lgan. Rossiya TIV ma’lumotlariga ko‘ra, terakt oqibatida diplomatik missiyaning ikki xodimi halok bo‘lgan.
Ayni paytda Rossiya elchixonasi Afg‘oniston xavfsizlik xizmatlari bilan yaqin aloqada bo‘lib, portlash bo‘yicha tergov olib bormoqda, diplomatik missiya xavfsizligi kuchaytirilgan, deyiladi vazirlik xabarida. Rossiya tashqi ishlar vaziri Sergey Lavrov hujum tashkilotchilari va aybdorlari imkon qadar tezroq jazolanishiga umid bildirgan.
Yangiliklar lentasi
0