Dunyoda

Xitoy Gʻarbga Rossiyani qoʻllab-quvvatlashi haqida signal yuboryapti – OAV

© Sputnik / Ramil Sitdikov / Mediabankka oʻtish Prezident RF Vladimir Putin i predsedatel Kitayskoy Narodnoy Respubliki (KNR) Si Tszinpin, arxivnoye foto
 Prezident RF Vladimir Putin i predsedatel Kitayskoy Narodnoy Respubliki (KNR) Si Tszinpin, arxivnoye foto - Sputnik Oʻzbekiston, 1920, 12.09.2022
Obuna boʻlish
NovostiTelegram
Germaniya nashrlari Vladimir Putin va Si Tszinpinning Samarqanddagi SHHT sammiti doirasida boʻlib oʻtadigan muzokaralarini shunday baholashmoqda.
TOSHKENT, 12 sen — Sputnik. Shanxay Hamkorlik Tashkiloti (SHHT)ga aʼzo davlatlar rahbarlari kengashining Samarqanddagi yigʻilishida Rossiya prezidenti Vladimir Putin va Xitoy rahbari Si Tszinpinning muzokara oʻtkazishi Gʻarbga Pekin Moskvani qoʻllab-quvvatlayotgani haqida signal beradi. Bu haqda Germaniyaning “Handelsblatt” gazetasi xabar berdi.
“Kuzatuvchilarga koʻra, uchrashuv katta ramziy ahamiyatga ega... buni Moskva Pekin tomonidan qoʻllab-quvvatlanayotganining aniq belgisi sifatida baholash mumkin”, - deyiladi maqolada.
Nashrda keltirilishicha, AQSH Kongressi Vakillar palatasi spikeri Nensi Pelosining Tayvanga yaqinda amalga oshirgan tashrifi Pekin va Vashington oʻrtasidagi munosabatlarni yomonlashtirdi, biroq Pekin uchun Rossiya bilan ittifoq tuzish orqali Gʻarb bilan raqobatni kuchaytirishga turtki boʻldi.
Avvalroq, Butunxitoy xalq vakillari kengashi Doimiy qoʻmitasi raisi Li Chjanshu Amerika gegemonligiga qarshi chiqish Xitoy va Rossiya oʻrtasidagi strategik hamkorlikning muhim jihati ekanligini aytgan edi.
Payshanba kuni Rossiya yetakchisining xalqaro masalalar boʻyicha yordamchisi Yuriy Ushakov davlat rahbarlarining uchrashuvi juda muhim xususiyatga ega boʻlishini va unga hozirdanoq faol tayyorgarlik koʻrilayotganini maʼlum qildi.
Maʼlumot uchun, 15 va 16 sentyabr kunlari Samarqandda Shanxay hamkorlik tashkiloti davlat rahbarlari kengashining navbatdagi majlisi boʻlib oʻtadi. Sammitda SHHTga aʼzo davlatlar (Rossiya, Xitoy, Hindiston, Pokiston, Qozogʻiston, Qirgʻiziston va Tojikiston) rahbarlaridan tashqari, kuzatuvchilar Eron, Belarus va Moʻgʻuliston prezidentlari hamda mehmon sifatida Turkiya, Armaniston, Ozarbayjon va Turkmaniston yetakchilari ishtirok etadi.
Yangiliklar lentasi
0