Rossiyalik taniqli aktor o‘zbek-tojik filmida suratga tushadi – “Tojikfilm” direktori

© SputnikDirektor Agentstva kinematografii Uzbekistana Firdavs Abduxalikov i direktor gosudarstvennogo uchrejdeniya "Tochikfilm" Maxmadsaid Shoxiyon
Direktor Agentstva kinematografii Uzbekistana Firdavs Abduxalikov i direktor gosudarstvennogo uchrejdeniya Tochikfilm Maxmadsaid Shoxiyon - Sputnik O‘zbekiston, 1920, 14.09.2022
Obuna bo‘lish
Mahmadsaid Shohiyon “Navoiy va Jomiy” o‘zbek-tojik qo‘shma filmida Sergey Bezrukovni ko‘rish mumkinligini aytdi.
TOShKENT, 14 sen — Sputnik. O‘zbekiston va Tojikiston hamkorlikda suratga olishni rejalashtirgan filmda Rossiya xalq artisti Sergey Bezrukov rol ijro etadi. Bu haqda “Tojikfilm” kinostudiyasi direktori Mahmadsaid Shohiyon Toshkent xalqaro kinofestivalining ShHT Kino kunlariga bag‘ishlangan anjumanda ma’lum qildi, deb xabar berdi Sputnik muxbiri.
Anjumanda ShHTga a’zo mamlakatlar Kino kunlari hamda Kinoforum haqida ma’lumotlar berildi.
Unda Rossiya, Belarus, Hindiston, Eron, Qozog‘izton, Qirg‘iziston, Pokiston, Xitoy, Tojikiston kabi mamlakatlardan kino rahbarlari va mutaxassislar ishtirok etishdi.
“Mazkur kinofestivalga kelganimdan xursandman. Biz hozirda O‘zbekiston Kinematografiya agentligi bilan hamkorlikda Navoiy va Jomiy koproduksiyasi ustida ishlamoqdamiz. Loyihada Rossiya xalq artisti Sergey Bezrukovni ko‘rishingiz mumkin”, - dedi “Tojikfilm” kinostudiyasi direktori Mahmadsaid Shohiyon.
Shuningdek, “Tojikfilm” kinostudiyasi direktori Dushanbeda O‘zbek kino kunlari doirasida namoyish etilgan “101 reys” filmi tomoshabinlarga manzur kelganini ta’kidlab, hamkorlikda shunday filmlar olishni taklif qildi.
“Ipak yo‘li durdonasi” XIV Toshkent xalqaro kinofestivali doirasida “Navoiy va Jomiy” o‘zbek-tojik qo‘shma filmi taqdimoti bo‘lib o‘tadi. Film O‘zbekiston Kinematografiya agentligi va “Tojikfilm” davlat muassasasi hamkorligida yaratilmoqda.
Film yaratish bo‘yicha memorandum 2021-yilda o‘tkazilgan Toshkent xalqaro kinofestivali doirasida imzolangan edi.
2021 yili iyun oyida O‘zbekiston prezidenti Shavkat Mirziyoyev Tojikistonga tashrifi davomida barcha sohalar qatori madaniy aloqalarni ham rivojlantirishga alohida e’tibor qaratgan edi. Davlat rahbari buyuk o‘zbek va tojik adabiyotining buyuk namoyandalari – Alisher Navoiy va Abdurahmon Jomiy haqida hamkorlikda badiiy film yaratish vaqti kelganini ta’kidlagandi.
Yangiliklar lentasi
0