Iqtisod

Oʻzbekiston limonlarini asosan Rossiyaga eksport qilmoqda

© Sputnik / Kirill Kallinikov / Mediabankka oʻtishLimon
Limon - Sputnik Oʻzbekiston, 1920, 19.09.2022
Obuna boʻlish
NovostiTelegram
2022 yilning 8 oyida Oʻzbekiston limonlarini xarid qilgan davlatlar orasida rossiya yetakchilik qilmoqda.
TOSHKENT, 19 sen - Sputnik. Oʻzbekiston 2022 yilning yanvar-avgust oylarida 7 ta xorijiy davlatga qiymati 2,9 mln dollariga teng boʻlgan 2,7 ming tonna limon eksport qilgan. Bundan Davlat statistika qoʻmitasi maʼlumotlari darak bermoqda.
Limon eksporti oʻtgan yilning mos davri bilan solishtirilganda 85 tonnaga kamaygan.
2022 yilning 8 oyida Oʻzbekiston limonlarini eng koʻp Rossiya (1,7 ming tonna) xarid qilgan. Shuningdek, mamlakat Qozogʻiston (636 tonna) va Qirgʻiziston (303 tonna)ga ham limon eksport qilgan.
Xorijga eng koʻp limon eksport qilgan hududlar:
Fargʻona viloyati – 1,1 ming tonna;
Xorazm viloyati – 511 tonna;
Toshkent viloyati – 374 tonna;
Namangan viloyati – 227 tonna.
Maʼlumot uchun, Oʻzbekistonning iqlim sharoitida limonni faqat issiqxonalarda yetishtirish, unga sunʼiy qulay muhit yaratish mumkin. Limon oktyabrda, baʼzi turlari esa dekabr-yanvarda meva bera boshlaydi. Limonning sovuqqa chidamliligi past, yaʼni 2-2,5 daraja. Uning mevalari -3-4 darajada muzlab qoladi, daraxtning barglari va yosh shoxlari -6-7 daraja haroratda muzlaydi va oʻsimlik -8-9 daraja haroratda boshdan oyoq muzlashi mumkin. Mevalarning oʻsishi va shakllanishida tuproqning holati katta ahamiyatga ega.
Ayni vaqtda Oʻzbekistonda limon plantatsiyalari maydonlarini kengaytirish va yangi navlarni yetishtirish boʻyicha ishlar olib borilmoqda.
Yangiliklar lentasi
0