Jamiyat

“Xitoy–Qirgʻiziston–Oʻzbekiston–Afgʻoniston” yoʻnalishi boʻyicha ilk poyezd yoʻlga chiqmoqda

© press-slujba Uzbekiston temir yullariPervыy konteynernыy poyezd vыexal po marshrutu “Kitay – Kыrgыzstan – Uzbekistan – Afganistan”.
Pervыy konteynernыy poyezd vыexal po marshrutu “Kitay – Kыrgыzstan – Uzbekistan – Afganistan”. - Sputnik Oʻzbekiston, 1920, 20.09.2022
Obuna boʻlish
NovostiTelegram
“Xitoy – Qirgʻiziston – Oʻzbekiston – Afgʻoniston” transport yoʻlagi boʻylab 12 dona 40 futlik konteynerdan iborat birinchi poyezd Oʻzbekiston hududi orqali yoʻlga chiqmoqda.
TOSHKENT, 20 sen — Sputnik. "Xitoy – Qirgʻiziston – Oʻzbekiston – Afgʻoniston" multimodal yoʻlagini rivojlantirish maqsadida “Qashgʻar – Oʻsh – Andijon – Gʻalaba – Hayraton” yangi tranzit yoʻnalishi boʻylab konteyner poyezdini sinov tariqasida ishga tushirish boshlandi. Bu haqda “Oʻzbekiston temir yoʻllari” AJ matbuot xizmati xabar berdi.
Qayd etilishicha, ayni paytda mazkur yoʻnalish boʻyicha 12 dona 40 futlik konteynerdan iborat birinchi poyezd Oʻzbekiston hududi orqali yoʻlga chiqmoqda.
Oʻzbekiston respublika hududi orqali tashish uchun 70 foizlik chegirma, boshqa ishtirokchi davlatlar tomonidan 50 foizgacha boʻlgan tarif imtiyozlari taqdim etilgan.
Dastlabki hisob-kitoblarga koʻra, faqat Afgʻoniston yoʻnalishidagi yuk aylanmasi yiliga toʻrt ming konteynerdan oshadi.
Yuk tarkibiga oziq-ovqat mahsulotlari, maishiy texnika va xalq xoʻjaligi ehtiyojlari uchun moʻljallangan mahsulotlar kirgan. Tovarlar Xitoy tomoni tomonidan konteynerlarga shakllantirilgan va Oʻsh vokzalida (Qirgʻiziston) konteynerlar Oʻzbekistonga tegishli fitting platformalariga ortilgan. Poyezdning soʻnggi manziliga temiryoʻl orqali yetib kelishi ikki kundan keyin rejalashtirilgan.
“Xitoy – Qirgʻiziston – Oʻzbekiston – Afgʻoniston” yangi multimodal yoʻlagi boʻylab yuk tashish Qashgʻar (Xitoy) temir yoʻl stantsiyasidan Oʻsh (Qirgʻiziston) temir yoʻl stantsiyasiga avtomobil orqali, soʻngra “Mozori Sharif” (Afgʻoniston) stantsiyasigacha Oʻzbekiston hududidan temir yoʻl orqali amalga oshiriladi.
Yangiliklar lentasi
0