Siyosat

Mirzayev rasman Toshkent viloyati hokimi etib tasdiqlandi

© Press-slujba prezidenta UzbekistanaZoyir Mirzayev
Zoyir Mirzayev - Sputnik Oʻzbekiston, 1920, 22.09.2022
Obuna boʻlish
NovostiTelegram
Shavkat Mirziyoyev 2021 yil noyabr oyidan buyon Toshkent viloyati hokimi vazifasini bajarib kelayotgan Zoyir Mirzayev nomzodini viloyat hokimi lavozimiga tavsiya etdi.
TOSHKENT, 22 sen — Sputnik. Toshkent viloyati hokimi vazifasini bajarib kelayotgan Zoyir Mirzayev rasman viloyat hokimi etib tasdiqlandi. Bu haqda Oʻzbekiston prezidenti matbuot xizmati xabar berdi.
Qayd etilishicha, prezident Shavkat Mirziyoyev Nurafshon shahrida boʻlib oʻtayotgan Xalq deputatlari Toshkent viloyati Kengashi sessiyasida ishtirok etgan. Sessiyada Toshkent viloyatiga hokim tayinlash boʻyicha tashkiliy masala koʻrib chiqilgan.
Davlat rahbari 2021 yil noyabr oyidan buyon Toshkent viloyati hokimi vazifasini bajarib kelayotgan Zoyir Mirzayev nomzodini viloyat hokimi lavozimiga tavsiya etgan.
Nomzod boʻyicha muhokamalarni boshlashdan avval soʻzni nomzodga berib, uning 10 oy davomida viloyatda toʻplagan tajribasi va xulosalari asosida kelgusida hududni jadal rivojlantirish, aholiga munosib turmush sharoiti yaratish, mavjud muammolarni hal etish boʻyicha rejalarini eshitish taklif qilingan.

Keyin Toshkent viloyati hokimini tayinlash masalasi ovozga qoʻyildi. Ovozga qoʻyish natijalariga koʻra, Zoyir Mirzayev Toshkent viloyatining hokimi etib tasdiqlandi.

Maʼlumot uchun, Zoyir Mirzayev 1968 yilda Samarqand viloyati, Jomboy tumanida tugʻilgan. 1994 yilda Toshkent moliya institutini iqtisodchi mutaxassisligi boʻyicha tamomlagan.
Hokim sifatidagi ish faoliyatini 2003 yil Jomboy tumanidan boshlagan. 2008-2010 yillarda Samarqand shahar hokimi, 2010-2016 yillarda esa Samarqand viloyati hokimi boʻlgan. 2019 yilning oktyabr oyidan boshlab, 2021 yilning noyabr oyiga qadar Qashqadaryo viloyati hokimi lavozimida ishlagan.
Yangiliklar lentasi
0