Dunyoda

Qozogʻistonda prezidentlikka nomzodlarni koʻrsatish qachon boshlanishi maʼlum boʻldi

© Sputnik / Yevgeniy Odinokov / Mediabankka oʻtishGolosovaniye na prezidentskix vыborax v posolstve Kazaxstana v Moskve
Golosovaniye na prezidentskix vыborax v posolstve Kazaxstana v Moskve - Sputnik Oʻzbekiston, 1920, 22.09.2022
Obuna boʻlish
NovostiTelegram
Har bir nomzodni qoʻllab-quvvatlash uchun 118 273 ta saylovchilarning haqiqiy imzosi toʻplanishi kerak - tafsilotlar.
TOSHKENT, 22 sen — Sputnik. Qozogʻistonda prezidentlikka nomzodlar koʻrsatish 23 sentyabrdan 11 oktyabrgacha boʻlib oʻtadi. Bu haqida Sputnik Qozogʻiston mamlakat Markaziy saylov komissiyasiga tayangan holda xabar berdi.
Bugun boʻlib oʻtgan Markaziy saylov komissiyasi yigʻilishida MSK aʼzosi Konstantin Petrov Qozogʻiston prezidenti lavozimiga nomzodlarni koʻrsatish 11 oktyabr kuni soat 18:00gacha davom etishini maʼlum qildi.
“Prezidentlikka nomzodlar koʻrsatish saylov tayinlangan kunning ertasidan boshlab, yaʼni 23 sentyabrdan 11 oktyabr kuni soat 18:00da yakunlanishi kerak”, - deydi Petrov.
Prezidentlikka nomzodlar koʻrsatish huquqi belgilangan tartibda roʻyxatga olingan respublika jamoat birlashmalariga tegishli.
Qayd etilishicha, nomzodlar taqdim etilgan kundan boshlab besh kun ichida Markaziy saylov komissiyasida roʻyxatga olinadi.
Quyidagi hujjatlar qabul qilib olinadi:
respublika jamoat birlashmasi oliy organi majlisining nomzod koʻrsatish toʻgʻrisidagi bayonnomasidan koʻchirmalar;
nomzodning saylovda qatnashishga roziligi toʻgʻrisidagi arizasi;
nomzodning saylovga hissa qoʻshganligini tasdiqlovchi hujjat.
Prezidentlikka nomzodlarning qoʻllab-quvvatlanganligi viloyatlar, respublika ahamiyatiga molik shaharlar va poytaxtning kamida 2/3 qismini teng vakillik qiluvchi saylovchilarning kamida 1 foizi imzosi toʻplanishi bilan tasdiqlanishi kerak.
Imzo varaqalarini berish nomzodning Konstitutsiya va Konstitutsiyaviy qonun talablariga muvofiqligi belgilanganidan keyin 5 kun ichida amalga oshiriladi.
1 iyul holatiga koʻra, Qozogʻiston Respublikasi saylovchilar roʻyxatiga 11 million 827 ming 277 nafar fuqaro kiritilgan.
Har bir nomzodni qoʻllab-quvvatlash uchun 118 273 ta saylovchilarning haqiqiy imzosi toʻplanishi kerak.
Eslatib oʻtamiz, avvalroq Qozogʻistonda 20 noyabr kuni navbatdan tashqari prezident saylovi boʻlib oʻtishi xabar qilingan edi.
Yangiliklar lentasi
0