Madaniyat

Ravshan Namozov vafot etdi

© Ravshan Namozov / FacebookRavshan Namozov
Ravshan Namozov - Sputnik Oʻzbekiston, 1920, 24.09.2022
Obuna boʻlish
NovostiTelegram
Oʻzbekistonda xizmat koʻrsatgan artist, xonanda va bastakor Ravshan Namozov 61 yoshida vafot etdi.
TOSHKENT, 24 sen - Sputnik. Oʻzbekistonda xizmat koʻrsatgan artist, xonanda va bastakor Ravshan Namozov uzoq vaqt davom etgan kasallikdan soʻng 61 yoshida vafot etdi. Bu haqda shoir Bobur Bobomurod oʻzining ijtimoiy tarmoqdagi sahifasida maʼlum qildi.
Ravshan Namozov 1961 yilning 10 iyulida Surxondaryo viloyatining Termiz shahrida tugʻilgan. Termiz musiqa bilim yurtini tamomlab, otasi — Oʻzbekistonda xizmat koʻrsatgan artist Abdurahmon Namozov va Shokir Mahmudovdan saboq olgan.
U faoliyatini 1989 yili tashkil etilgan “Qars” guruhida boshlagan. U 1985 yil Germaniya oʻtkazilgan “Yoshlar festivalida” va 1989 yili Olmaota shahrida tashkil etilgan “Osiyo ovozi” koʻrik tanlovida Grand-Prini qoʻlga kiritgan. 1991 yildan buyon yakkaxon ijod qilayotgan xonanda 1993 yili Oʻzbekistonda xizmat koʻrsatgan artist unvoni bilan taqdirlangan.
Xonanda zamonaviy surxon qoʻshiqlari bilan tinglovchilarga yaxshi tanish. Uning “Chipradalli”, “Kovushim”, “Yor-yor yoron-ey”, “Biyo-biyo”, “Xayol” kabi qoʻshiqlari sanʼat shinavandalarining koʻnglidan joy olgan.
Yangiliklar lentasi
0