https://oz.sputniknews.uz/20220928/arxitektura-institutlari-talim-sifati-xalqaro-darajaga-olib-chiqiladi-28601409.html
Arxitektura institutlari ta’lim sifati xalqaro darajaga olib chiqiladi
Arxitektura institutlari ta’lim sifati xalqaro darajaga olib chiqiladi
Sputnik O‘zbekiston
Toshkent va Samarqanddagi arxitektura institutlarining o‘quv dasturlari isloh qilinadi. 28.09.2022, Sputnik O‘zbekiston
2022-09-28T14:20+0500
2022-09-28T14:20+0500
2022-09-28T14:20+0500
jamiyat
otm
shavkat mirziyoyev
https://cdn1.img.sputniknews.uz/img/07e6/09/1c/28601036_0:66:1280:786_1920x0_80_0_0_45a7c0555d79f3359b9f47c97cfe77dc.jpg
TOShKENT, 28 sen — Sputnik. Prezident Shavkat Mirziyoyev arxitektura-qurilish sohasida kadrlar tayyorlash tizimini takomillashtirish chora-tadbirlari taqdimoti bilan tanishdi.Ta’kidlanishicha, arxitektura institutlardagi o‘quv dasturlari eskirgan. O‘qitiladigan fanlar soni chet eldagidan ham ko‘p, sifati unday emas. Ta’lim jarayoniga amaliyotchi mutaxassislar yetarli darajada jalb etilmagan. Zamonaviy fikrlaydigan injener-konstruktorlar yetishmayapti.Taqdimotda Toshkent hamda Samarqanddagi arxitektura institutlarining o‘quv dasturlarini isloh qilib, ta’lim sifatini xalqaro darajaga olib chiqish chora-tadbirlari muhokama qilindi.Mutasaddilar mazkur institutlarning o‘quv dasturlarini xalqaro akkreditatsiyadan o‘tkazish, yangi fakultetlar tashkil etish, ta’lim va ishlab chiqarishni uyg‘unlashtirish, ilmiy faoliyatni takomillashtirish rejalarini bayon qildi.Prezident bu takliflarni ma’qullab, ustuvor vazifalarni ko‘rsatib o‘tdi. Avvalo, bakalavr yo‘nalishlari sonini qayta ko‘rib chiqib, fanlarni zamonaviy shaharsozlik va texnologiyalarga moslashtirish zarurligi ta’kidlandi. O‘qituvchilar uchun malaka talablari va bitiruvchilarning kompetensiyalarini oshirish bo‘yicha tavsiyalar berildi.Institutlarga xorijiy tajribaga ega malakali mutaxassislarni jalb etish, shuningdek, mahalliy professor-o‘qituvchilarni chet elga ilmiy stajirovkaga yuborish muhimligi qayd etildi. Bu borada Toshkent arxitektura-qurilish instituti Istanbul texnika universiteti bilan, Samarqand davlat arxitektura-qurilish instituti Yildiz texnika universiteti bilan ta’lim hamkorligini yo‘lga qo‘yadi.Ta’lim va amaliyot uyg‘unligini ta’minlash maqsadida har bir kafedraga ishlab chiqaruvchi korxonalarni biriktirish, institutlar huzurida texnopark va inkubatsiya markazi tashkil etish bo‘yicha ko‘rsatma berildi.Ularda energiya tejamkor qurilish materiallari yaratish, yetakchi kompaniyalar bilan mahorat darslari va amaliy treninglar o‘tkazish, ilmiy-tadqiqot natijalarini tijoratlashtirish mumkin bo‘ladi.Shuningdek, ilg‘or muhandislik bilimlari asosida ilmiy va ilmiy-pedagogik kadrlar tayyorlaydigan Oliy ilm-fan maktabi tashkil etilishi belgilandi.Institutlar huzuridagi akademik litseylarni ham takomillashtirib, A-level darajasidagi o‘quv dasturi va metodikasini joriy etish zarurligi qayd etildi.
Sputnik O‘zbekiston
info@sputniknews-uz.com
+74956456601
MIA „Rosiya Segodnya“
2022
Sputnik O‘zbekiston
info@sputniknews-uz.com
+74956456601
MIA „Rosiya Segodnya“
Yangiliklar
uz_UZ
Sputnik O‘zbekiston
info@sputniknews-uz.com
+74956456601
MIA „Rosiya Segodnya“
Sputnik O‘zbekiston
info@sputniknews-uz.com
+74956456601
MIA „Rosiya Segodnya“
jamiyat, otm, shavkat mirziyoyev
jamiyat, otm, shavkat mirziyoyev
Arxitektura institutlari ta’lim sifati xalqaro darajaga olib chiqiladi
Toshkent va Samarqanddagi arxitektura institutlarining o‘quv dasturlari isloh qilinadi.
TOShKENT, 28 sen — Sputnik. Prezident Shavkat Mirziyoyev arxitektura-qurilish sohasida kadrlar tayyorlash tizimini takomillashtirish chora-tadbirlari taqdimoti
bilan tanishdi. Ta’kidlanishicha, arxitektura institutlardagi o‘quv dasturlari eskirgan. O‘qitiladigan fanlar soni chet eldagidan ham ko‘p, sifati unday emas. Ta’lim jarayoniga amaliyotchi mutaxassislar yetarli darajada jalb etilmagan. Zamonaviy fikrlaydigan injener-konstruktorlar yetishmayapti.
Taqdimotda Toshkent hamda Samarqanddagi arxitektura institutlarining o‘quv dasturlarini isloh qilib, ta’lim sifatini xalqaro darajaga olib chiqish chora-tadbirlari muhokama qilindi.
Mutasaddilar mazkur institutlarning o‘quv dasturlarini xalqaro akkreditatsiyadan o‘tkazish, yangi fakultetlar tashkil etish, ta’lim va ishlab chiqarishni uyg‘unlashtirish, ilmiy faoliyatni takomillashtirish rejalarini bayon qildi.
Prezident bu takliflarni ma’qullab, ustuvor vazifalarni ko‘rsatib o‘tdi. Avvalo, bakalavr yo‘nalishlari sonini qayta ko‘rib chiqib, fanlarni zamonaviy shaharsozlik va texnologiyalarga moslashtirish zarurligi ta’kidlandi. O‘qituvchilar uchun malaka talablari va bitiruvchilarning kompetensiyalarini oshirish bo‘yicha tavsiyalar berildi.
Institutlarga xorijiy tajribaga ega malakali mutaxassislarni jalb etish, shuningdek, mahalliy professor-o‘qituvchilarni chet elga ilmiy stajirovkaga yuborish muhimligi qayd etildi. Bu borada Toshkent arxitektura-qurilish instituti Istanbul texnika universiteti bilan, Samarqand davlat arxitektura-qurilish instituti Yildiz texnika universiteti bilan ta’lim hamkorligini yo‘lga qo‘yadi.
Ta’lim va amaliyot uyg‘unligini ta’minlash maqsadida har bir kafedraga ishlab chiqaruvchi korxonalarni biriktirish, institutlar huzurida texnopark va inkubatsiya markazi tashkil etish bo‘yicha ko‘rsatma berildi.
Ularda energiya tejamkor qurilish materiallari yaratish, yetakchi kompaniyalar bilan mahorat darslari va amaliy treninglar o‘tkazish, ilmiy-tadqiqot natijalarini tijoratlashtirish mumkin bo‘ladi.
Shuningdek, ilg‘or muhandislik bilimlari asosida ilmiy va ilmiy-pedagogik kadrlar tayyorlaydigan Oliy ilm-fan maktabi tashkil etilishi belgilandi.
Institutlar huzuridagi akademik litseylarni ham takomillashtirib, A-level darajasidagi o‘quv dasturi va metodikasini joriy etish zarurligi qayd etildi.
